15/01/2026
تقريباً انا الوحيد اللي منزلتش بيان رينو اللي بيتكلم عن العميله بتاعت الكارديان
منزلتش البيان لأنه مش عاجبني بصراحه من اوله لاخره
مكتوب بصيغه فيها تهديد ومش حلو البيان
حتي لو الشركه في الاخر هيطلع عندها حق فمينفعش بيان يتكتب كده
الحاجه التانيه اللي عايز اقولها
مستحيل توكيل في مصر يسلم عربيه زيرو لعميل مرشوشه
الوكلاء معندهاش الكلام ده
ده بيحصل من الموزعين والمعارض بس
اي ده يعني التوكيل ده مرشش العربيه !؟
بنسبه ١٠٠٪ انا متأكد ان التوكيل ده مرشش العربيه لان العربيات بتمر بإجراءات مشدده متراقبه من كل النواحي من اول ما العربيه تطلع من المصنع في بلادها لحد ما توصل للعميل هنا
الحاجه التالته اللي عايز اقولها
ان العميله تطلب فحص العربيه من لجنه من كليه الهندسه وهما بيحددو بالظبط العربيه ديه اترشت امتي واللي ليه حق هياخده
سواء العميله او الوكيل .. وشكراً 😄
الحاجه الرابعه
اي شركه في الدنيا حتي لو عندها حق لازم تخلي بالها من البيانات اللي بتنشرها للناس
احنا مش هنربي العميل .. حتي لو العميل كداب وبيتبلي علي الشركه
عندك طرق قانونيه تقدر تاخدها ضد اللي يشهر بيك
والعميل عنده طرق قانونيه ياخد بيها حقه لو طلع عنده حق
عموماً زي ما قولتلكو قبل كده محدش يشتري عربيه زيرو الا اما يكشف عليها
