08/09/2024
الساده الملاك الاعزاء
ناس كتير متعرفنيش وناس كتير تعرفني سواء اسمها او شخصيا
انا حابب اتكلم شويه علشان الفتره اللي فاتت سمعت انتقاضات كتيره عني ولا ليها اساس من الصحه ومكنتش حابب اتكلم فيها اساسا بس لما لاقيت الموضوع تعدي حدوده قولت لازم اتكلم .
الموضوع فوجأت بأن في جروب حد من الاشخاص الملاك دخل عمل جروب ع الواتس اب وسماه طواري
المهم فوجات بان الجروب بعض الاشخاص بيهاجموني باني بقيت معلم ومتكبر ع الشغل وحاجات كتير .
المهم انا بس بحب اثبت للأساتذه المحترمين اللي بيتكلمو ف ضهري وبواجههم وفي الأخر مش بيردو .
والاستاذ الخفيف الدم اللي بيقول اصله ارتاح احب انوه اني لازلت شغال موظف بروح شغلي من الصبح الساعه 8 صباحا وبطلع المركز لحد الساعه 2 بليل والفجر كمان وقاعد ف شقه بسيطه مش في فيلا ولا حاجه .
والاستاذ ايست لايف كان عشره سنين المهم شرفني علي عطل خبيث ومكانش بيبان ف نفس الوقت ف المفرو انه جاي لساحر كن فيكون . وحاولت معاها بنفسي مره واتنين وفهمته ونجرب والحاجه متطلعش هي وارجعها تاني بنفس راضيه علشان والله ما عايز غير ان الناس تبقي راضيه لحد ما ف يوم كلمني وركبتله والله مارش ولا كنترول والله ما فاكر وبعتلي ع الواتس انه زعلان قولتله زعلان ليه قالي اصل الصنايعي عند ركب المارش والكنترول باظ والله ضحكت من جوايا وقولتله قولي بكام وابعتلك الفلوس او قطعه الغيار اللي ركبت قولتلك مش عايز تمنها للاسف والله ما فاكر الموقف بتفاصيله علشان من فتره وفي الاخر بعتلك وقولتلك طلاما مبسوط في المكان الجديد ومرتاح نفسيا خليك مكمل ,
واستاذ برده المحترم الكبير سننا ومقاما ايهاب فتحي اللي مسمي نفسه المستكاوي شرفني من السويس علي مشكله ف الفتيس وعملته بغضل الله غيرتله زيت وفلتر وقربه وطوق والفتيس تقرريبا اتعمر واتكلف حوالي 14000 وقولتله سيب العر بيه نجربها حوالي يومين والله بقيت اتحرك بيها بعمله طبعا علشان الساده الملاك مفتكروش اننا بنجب نتفسح بعربيتهم وجربناها زي الفل اليومين المهم جيه استلم العربيه بليل ومع العلم قولتله بلاش سربعه وخلينا ف النهارالمهم اتلم اتحرك وبعد ساعه كلمني قالي العربيه جايبه تشيك جير بوكس وبتسحب بالعافيه وفضلت مكمل ع العربيه لحد ما وصل المهم عقل الفتيس من الحراره قفش المفترض ان ع الاقل بطل ويدور ويكمل ولكن هو مشي لحد ما الفتيس اتحرق حالص قولتله هاتها علي ونش بكره وان شاء الله خير وبالفعل لاقيت التيس اتحرق تماما مفتححتش بوقي قولتله انا هستسمحك هجيب فتيس استيراد وهتدفه فرق القديم وهشيله بالكامل مع العلم ان حصرتك اللي غلطان ولكني هعتبرها جهل حضرتك علشان لو انا حديت نفسي مكانك هزعل ع الفلوس وقولت ربنا يعوضني ان شاء الله وفضلت ادور علي فتيس والله حاله ورخيص علي قد ما اقدر نظرا للامكانيات الماديه وفي الاخر بحاسبه قالي اخصم ال 14 الف وكمان ضيف عليهم 1400 بتوع الونش انا سمعت الونش والله دمي اتحرق وكمان ضغطي علي ومفتحتش بوقي بنص كلمه وبعد ما خلصت وعملت اللي ريحه ببساطه قولتله استاذ ايهاب انا بعتذر ليك جدا انا نفسي شالت من العربيه ومش حابب اشتغل فيها تاني والله بمنتهي الادب والبساطه والهدوء .
افاجا بشغل اطفال وكل شويه بوست سخيف واعلانات هايفه السويس والسويس وعندنا المحلاوي والبهنساوي وشويه لالقيه بيسال عن حد ثقه وفاهم وشويه الاقيه ممنزل بوست بلاش حد يروح مكان زحمه زي الشاعر وايمن واحمد والواقعه ديه من سنه مثلا فمش عارف هو محروق مني ليه كده . وبرده والله ولا تشغلني علشان والله ما بيشغلني الا اني اتقي الله ومخسرش حد .
والاستاذ اللي بيهاجمني ويقول اني جاله بيقولي التكييف مش شغال وقولتله انه محتاج علبه فيوزات ب 4000 وترميم دفيره ب 3000 انت راجل كداب لان لحد الان انا برم الدفيره ب 1500 واليو بي سي ب 4000 من شهر مثلا يعني كان تمنه وقتها 2500وانا اخر تعامل معاك كان من مارس 2023 وبرده والله حضرتك ولا تشغلني وللعلم انا بعترف اني قولت لك مفيش كهرباي وانت قولتلي اشتغل انت قولتلك فعلا الصحه مبقتش مستلحمه هل تعلم اني مريض ضغط وسكر وهل تعلم اني مشتغلتش بالاخص عندك علشان عندي دوالي ومبقدرش اقف فتره وانت شغلانتك كانت لازم وانا واقف وهقف فتره لا تقل عن ساعتين ومنحني ف حوض العربيه والاجمل انك بتقول انك عملت مشكله معايا قبل ما تمشي . انا عمري ما عملت مشكله مع اي حد لاني مبتعاملش اني صاحب مكان لا مع الصنايعيه ولا مع الزباين ده لو باعملهم زباين كلنا اخوات واصجاب المكان .
وانا كمان بفضل الله عمري ما اتجاشعت ولو حتي حد جيه وقالي وانا عايز اعمل العربيه بس مش دلوقتي علشان الظروف بعملهاله غصب عنه لحد ما ربنا يفرجها والناس موجوده تشهد لو قولت حاجه غلط ف كلامي .
وللعلم انا والله بطلت ادخل ع الجروب ولا ختي ارد بسبب سخافه بعض الناس علي سبيل المثال واحد كتب عطل قولتله هتعمل ١ و٢ و ٣ و ٤
دخل رد قالي طيب ما نبيع الغربيه احسن . ده مثل بسيط من حاجات كتير متكرره بنفس المنوال
وف الاخر فوجأت ان اللي عمل الجروب قال احنا هنعله للملاك وهنبعد عن التجار وفي الاخر دخل تاجر وقالك راجل محترم الجروب لمصلحه الملاك ومفيش تجار
لا تعليق
