01/12/2025
🪁
دي تقريبا آخر مرة هنشوف فيها العلامتين دول جنب بعض في جملة مفيدة ، لأسباب متعددة هحاول أختصرهالكم في نقاط بسيطة
📌 مبيعات شركة تسلا في الصين ( أكبر سوق سيارات في العالم ) إنخفضت خلال أكتوبر بنسبة 35% عن نفس الفترة من العام الماضي ، وده تالت شهر تنخفض فيه المبيعات بنفس الوتيرة
📌موقع أوتو نيوز الامريكي نشر تقرير بيوضح فيه ان تسلا بتعاني من مبيعات مخيبة للآمال في عدة أسواق أوربية منها ألمانيا وهولندا وأسبانيا ودول الشمال الأوربي
📌 شاومي هيا كمان دخلت على خط المنافسة داخل السوق الصينية ، وده بيعمق من جراح tesla عالميا
📌التقرير المنشور على موقع أوتو نيوز وآخر على بلومبرج بيوضح إن BYD مش بس بتشكل تهديد ل TESLA دي بتهدد أكتر من 100 شركة في العالم قد يختفي أغلبهم لصالح العملاق الصيني
📌شركة byd بتكبر كل ساعة تقريبا مش كل يوم ، وحصتها السوقية عالميا بتزيد ، وفي المقابل تسلا بتخسر الأرض اللي بتكسبها byd .
تعالوا نربط الاحداث العالمية بالسوق بتاعنا ، تفتكروا BYD هتعمل إيه في مصر لما تتقدم في يناير ؟
