Antares Media Holding

Call Directions Website Contact the business

Antares Media Holding «Անտարես» մեդիա հոլդինգը հիմնադրվել է 1992 թվականին:

«Անտարես» մեդիա հոլդինգը հիմնադրվել է 1992 թվականին: «Անտարես»-ը ընկերությունների հոլդինգ է, որի կազմում գործում են տպարան, հրատարակչություն, գովազդային գործակալություն, ներկայացուցչական ընկերություն:
Մենք տիրապետում ենք ժամանակակից տեխնոլոգիաների, մեզ մոտ աշխատում են արհեստավարժ մասնագետներ:

18/09/2026

2006-ին լույս տեսած այս վեպը երկու ամուսնալուծված տղամարդկանց՝ Անտուանի և Մաթիասի՝ վաղեմի ընկերների մասին է, որոնք որոշում են իրենց երեխաների հետ մի հարկի տակ ապրել Լոնդոնում: Նրանց համակեցությունը, որը հիմնված Է խիստ կանոնների վրա (ոչ մի կին տանը,այդ թվում՝ ոչ մի դայակ), շուտով փորձության Է ենթարկվում սիրո և առօրյա կյանքի անակնկալներով: Կերպարների ինքնատիպությամբ, կենդանի երկխոսություններով, հումորի և զգացմունքայնության շղարշով՝ Մարկ Լևին ընթերցողին տանում է դեպի թեթև և ջերմ սիրավեպ՝ ընդգծելով ընտանիքի և ընկերության կարևորությունը: Վեպը բոլոր նրանց համար է, ովքեր հուզիչ և կենսուրախ պատմություններ են սիրում:

16/09/2026

«Աշխարհն ըստ Գարփի»-ն Ջոն Իրվինգի չորրորդ վեպն է (1978), որը նրան համաշխարհային ճանաչում բերեց և համանուն կինոնկարի հիմք դարձավ՝ Ռոբին Ուիլյամսի գլխավոր դերակատարմամբ: Գիրքը վարպետորեն վերհանում է մեր օրերի տղամարդու վախերը, իղձերը, բավարարված և չբավարարված նկրտումները, զավակների դաստիարակության թնջուկները՝ միաժամանակ վիճելիորեն բնութագրվելով որպես «ֆեմինիստական առաջին պատումներից մեկը»: XX դարի երկրորդ կեսի ընտանիքն այս վեպում ներկայացված է զավեշտալի ու ողբերգական դրվագների շարանով, գրական անհերքելի ձիրքով և սուր աչքով:

📖Ֆրանսիացիները կարծես համարում են, որ եթե մարդ բավական գեղեցիկ չէ կինոյում նկարվելու համար, ուրեմն առհասարակ ոչ ոք էլ գե...
16/09/2026

📖Ֆրանսիացիները կարծես համարում են, որ եթե մարդ բավական գեղեցիկ չէ կինոյում նկարվելու համար, ուրեմն առհասարակ ոչ ոք էլ գեղեցիկ չէ։ Նրանք չեն ուզում, որ իրենց կինոհերոսները մյուսներից բարետես լինեն։
Փարիզում ամեն ոք համարում է, որ կամ կինոաշխարհում է, կամ էլ կարող էր լինել, եթե ցանկություն ունենար, և ամեն ոք իրեն էնպես է պահում, կարծես հենց նոր գլխավոր կինոդեր է մերժել, որովհետև դա այնքան էլ զվարթ զբաղմունք չէ, ինչքան անընդհատ կինոաշխարհում լինելը, որտեղ էլ ինքը միշտ գտնվում է։
Բայց, իմ կարծիքով, էս յուրահատուկ ֆիլմը, որ շատ հաճելի է, մոտենում է ավարտին և մյուս տարի՝ մոտավորապես էս ժամանակ, կվերջանա: Իսկ ի՞նչ իմանաս, թե հաջորդ ֆիլմն ինչի նման կլինի։

📘Ուիլյամ Սարոյան «Փարիզն է քո տեղը»
✍Թարգմանությունն անգլերենից՝ Զավեն Բոյաջյանի
Կազմեց և տպագրության պատրաստեց Սքոթ Սեդրակյանը

16/09/2026

Հովիկ Աֆյան. «Հե՜յ»-ն իմ առաջին գիրքն է, որը գրել եմ առաջին դեմքով, ու ավելի համարձակ եմ եղել, քան երբեւէ

📘 #նորգիրք Աղավնի Գրիգորյան «Հին ու նոր հեքիաթ» (հեքիաթներ)📖Հեքիաթի ավարտին սպասող խնձորները երբեք էլ երեքը չեն եղել, ա...
15/09/2026

📘 #նորգիրք Աղավնի Գրիգորյան «Հին ու նոր հեքիաթ» (հեքիաթներ)

📖Հեքիաթի ավարտին սպասող խնձորները երբեք էլ երեքը չեն եղել, այլ բան է, որ առաջին երեքն են միայն և ամեն անգամ հայտնվում կադրում:
Իսկ մյուսնե՞րը… Մյուսների մասին հետաքրքրվող էլ չկա նույն այն պատճառով, որ առաջին երեքն ընկնում են թե չէ, հեքիաթի դռները փակվում են, բանալին էլ մնում է հեքիաթասացի գրպանում մինչև հաջորդ հեքիաթ։

14/09/2026

1967 թվականի սեպտեմբերի 5-ին՝ երեքշաբթի, ժամացույցը կանգ առավ 13:30 րոպեի վրա. Մարիո Վարգաս Լյոսայի և Գաբրիել Գարսիա Մարկեսի միջև երկխոսությունը սկսվեց, բայց նախատեսվածից ավելի երկար տևեց, և քանի որ թեման սպառված չէր, որոշեցին ավարտին հասցնել երկրորդ հանդիպմանը՝ երկու օր անց: «Ես գրում եմ, որպեսզի իմ ընկերներն ինձ ավելի շատ սիրեն»,- ասում է Մարկեսը: Այսինքն՝ գրում ենք, որպեսզի մեզ ավելի քիչ մենակ զգանք և շատ ընկերներ ունենանք: Որպեսզի կարողանանք խոսել այն ամենի մասին, որոնց մասին, երբ բարձրաձայնում ենք, այլևս առաջվանը չեն:

14/09/2026

«Անտարես» հրատարակչությունը լույս է ընծայել Հովիկ Աֆյանի «Հեյ՜» վեպը։

«Եվ աչքերի մեջ մտնելու հավակնություն ունի այս պատմությունը։ Ու դուրս չգալու»,- ասվում է գրքի սեղմագրում։ «Հե՜յը» բաղկացած է երեք գլխից՝ «Հայրը», «Որդին», «Եվ Ջրահարսը»։

Մեդիամաքսը զրուցել է Հովիկ Աֆյանի հետ։

https://mediamax.am/am/specialprojects/BookHouse/61885/

▪️Այսուհետ ամեն ամիս Աննայի Գրքերն ու Ֆիլմերը 📚🎬 -ի հետ ընթերցելու ենք մեկ գիրք,դիտելու ենք գրքի հիման վրա նկարահանված ֆ...
12/09/2026

▪️Այսուհետ ամեն ամիս Աննայի Գրքերն ու Ֆիլմերը 📚🎬 -ի հետ ընթերցելու ենք մեկ գիրք,դիտելու ենք գրքի հիման վրա նկարահանված ֆիլմը եւ հանդիպելու քննարկելու համար:

Այս ամիս ընթերցել ենք Սոմերսեթ Մոեմի «Թատրոն» վեպը և դիտել դրա հիման վրա նկարահանված 2004 թվականի ֆիլմը ❤️

12/09/2026

▪️Այսուհետ ամեն ամիս Աննայի Գրքերն ու Ֆիլմերը 📚🎬 -ի հետ ընթերցելու ենք մեկ գիրք,դիտելու ենք գրքի հիման վրա նկարահանված ֆիլմը եւ հանդիպելու քննարկելու համար:

Այս ամիս ընթերցել ենք Սոմերսեթ Մոեմի «Թատրոն» վեպը և դիտել դրա հիման վրա նկարահանված 2004 թվականի ֆիլմը ❤️

#նորգիրք 📗Հովիկ Չարխչյան «Վերջին անգամ մեռնողը»📖Ժողովածուում ընդգրկված ստեղծագործությունների առանցքային թեման տարաբնու...
09/09/2026

#նորգիրք 📗Հովիկ Չարխչյան «Վերջին անգամ մեռնողը»
📖Ժողովածուում ընդգրկված ստեղծագործությունների առանցքային թեման տարաբնույթ իրավիճակներում մարդկային էության շեշտված դրսևորումներն են՝ ներկայանալով ոչ այնքան որպես իրադարձության հետեւանք, որքան վարք ու կենսակերպ։ Միջավայրի, ժամանակի, դրության փոփոխություններում հերոսները տրվում են իրենց բաժին ընկած փորձություններին։ Եվ միշտ չէ, որ հաղթում են։ Սակայն նրանք կարողանում են գոյության իմաստավորման նախապայմաններ ստեղծել։

✍Խմբագիր՝ Արքմենիկ Նիկողոսյան

Address

50a/1 Mashtots Avenue
Yerevan
0009

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00

Telephone

+37410581059

Website

Alerts

Be the first to know and let us send you an email when Antares Media Holding posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Antares Media Holding:

Shortcuts

Share