23/06/2022
အိမ်က Bighorn လေးသက်တမ်းတိုးရင်းနဲ့မှ Part Time 4WD ; Full Time 4WD အကြောင်းလေး ကားလောကမှာ လွဲနေကြတာလေး
မူရင်းရေးသားသူ
4WD ဆိုတာ
ဘယ်တော့မှ မပြုတ်တဲ့ AWD နဲ့ Full Time 4WD
အခုတလော ကား၀ယ်ဖို့ရှာတော့ ထုံးစံအတိုင်း
4 wheel လားလို့မေးမိတာနဲ့ ပွဲစားအဆင့်ဆင့် လက်ဆင့်ကမ်းလာတဲ့ ဘယ်နှကီလိုမှာ 4 wheel ပြုတ်ကြောင်း ဇွတ်ရှင်းပြတော့တာပါပဲ၊ 15 km မှာပြုတ်တယ်လို့ပြောသူရှိသလို 20 km မှာပြုတ်တယ်လို့ပြောသူလည်းရှိပါတယ်။ တယောက်ဆိုထူးထူးခြားခြား 17 km မှာပြုတ်ကြောင်း တိတိကျကျပြောသွားပါတယ်။ ခဏခဏ ပြောခဲ့ရလို့မောပါပြီ ပြန်မပြောတော့ပါ။ ဒီနေရာမှာတော့ ကားနဲ့ပါတ်သက်ပြီး အမှန်တကယ်စိတ်ပါ၀င်စားသူများရှိလို့ သိသလောက်ရှယ်ချင်ပါတယ်။
4WD System အဓိက ၂ မျိုးရှိပါတယ် Part time နဲ့ full time ပါ၊ Full Time ကိုမှ Full Time နဲ့ All Wheel Drive AWD ဆိုပြီးထပ်ခွဲရင် ၃ မျိုး ရပါမယ်။
(၁) Part Time : ဒါကတော့ရှင်းပါတယ် သီးသန့် ဂီယာတံကဖြစ်စေ အမေရိကန်ကားတွေမှာပါသလို Dash board က လက်လှည့် switch တခုကဖြစ်စေ လိုတဲ့ ဂီယာကိုပြောင်းရတာဖြစ်ပါတယ်။ Part time မှာက Function စုံပါတယ် 4L 4H အပြင် center differential lock တွေပါပါပါတယ်။ SUV ကားလတ်ကားကြီးတွေမှာသာပါပါတယ်။ ဥပမာ Prado, Pajero, Land cruiser etc ...
(၂) AWD All wheel drive : များသောအားဖြင့် CRV, Harrier, Alphard တွေမှာပါတဲ့ စံနစ်ဖြစ်ပါတယ်။ ဘီးအားလုံးလည်ပါတယ်။ ဘယ်ဘီးမှမရပ်ပါ ဘယ်တော့မှမရပ်ပါ ဘယ် နှကီလိုမှာမှ မပြုတ်ပါ။ သူနာမည်ကိုက ဘီးအားလုံးလည်စံနစ် ဖြစ်ပါတယ်။
(၃) Full Time 4WD : AWD နဲ့တူတူပါပဲ သို့သော် 4LL များများရုန်းဖို့လိုတဲ့နေရာအတွက် ခုလုတ်တခုပါပါမယ် 4HH နဲ့ 4LL ချိန်းဖို့သာဖြစ်တယ် ဘယ်နှကီလိုမှ 4 wheel မပြုတ်ပါ။ သူ့နာမည် ပေးထားတာကလည်း အချိန်ပြည့်ဘီးလေးလုံး စံနစ်ပါတဲ့။
(၄) Automatic AWD : မော်ဒယ်တော်တော်မြင့်တဲ့ကားငယ်တွေမှာပါတယဆိုပါတယ် CRV နဲ့ RAV 4 မော်ဒယ်တွေမှာပါတယ်ပြောပါတယ်။ ဘယ်မော်ဒယ်တွေမှာပါလဲတော့ ကျွန်တေ်ာ့မှာ info မရှိပါ။ သူအလုပ်လုပ်ပုံက လိုမှသာ 4WD ထည့်ပေးတာပါ။ speed နဲ့မဆိုင်ပါ ယက်နေတဲ့ ဘီး traction loss ဖြစ်ရင် ကျန်ဘီးတွေကရုန်းပေးတာပါ။ အဲ့ဒီအခြေအနေ ပြီးဆုံးသွားတာနဲ့ 2 wd ကိုပြန်ရောက်သွားပါတယ်။ Isuzu Bighorn တွေမှာ အဲ့ဒီစံနစ်ပါပါတယ် TOD torque on demand လို့ခေါ်ပါတယ် ဒီနေရာမှာတော့ ဇူးက နှာတဖြားသာတယ်လို့ပြောရမှာပါ
နိဂုန်းချုပ်ရရင် ပွဲစားများ အဆင့်ဆင့် လက်ဆင့်ကမ်းလာသလို AWD system များဟာ ကီလိုတခုရောက်ရင် ပြုတ်တယ်ဆိုတာ မမှန်ပါ။ AWD system တွေကို ဆီပိုစားတယ်လို့ ၀ယ်သူတွေက ထင်တာကို ကာကွယ်ဖို့အတွက် ပြောရင်းကနေ အကျင့်ပါကုန်ကြတာဖြစ်ပါတယ်။ အမှားကို လက်ဆင့်ကမ်းလာကြတာဖြစ်ပါတယ်။ ပြောတဲ့ကီလိုတွေကလည်း တဦးနဲ့တဦး မတူပါ။
တကယ်လို့များ ကားထုတ်လုပ်သူများ ကပေးထားတဲ့ technical information များရှိရင် share. ပေးပါ၊ ဘယ်နှကီလိုမှာ ပြုတ်တယ် စသဖြင့်ပေါ့။
အခုလိုပြောလိုက်လို့AWD ကားတွေ၀ယ်ဖို့မကြောက်ပါနဲ့ AWD ကားတွေရဲ့ မူရင်းတန်ဖိုးဟာ သာမာန် ထက် ဒေါ်လာ ၃၀၀၀ လောက်ပိုပါတယ်။ အကျိုးမရှိပဲနဲ့ ဘယ်သူမှ ငွေကုန်ခံမထုတ်လုပ်ပါ။
ဆီစားနှုန်းဟာ 2WD ထက် 5% ကနေ 8% အထိသာ ပိုနိုင်ကြောင်းပါ။
Credit #
