12/01/2019
الفتيس اللي بيستعمله Vin Diesel في معظم العربيات ، وبالاخص معظم عربيات فيلم Fast 7 ، شكل الفتيس بيبقى غريب و تعامله غريب ، وبنلاقيه سعات بيغير كتير قوي و سعات تقريبا مابيغيرش .
ايه الفتيس ده ، الفتيس ده اسمه Turbo 400 transmission ، ده كان من تصميم General motors و كاديلاك ، و اول ما بدأ كان ٣ سرعات و سرعة R ، و مازال هو ده اللي بيستعمل في الاغلب بس في تعديل حصل عليه و بقى في منه سرعتين ، بس برضه فضل ال ٣ سرعات منتشر بغباء ، و الفتيس ده بيستعمل بالاخص في سباقات ال Drag و دلوقت بيستعمل في معدات حربيه ، لاسباب معينه : عشان هو بيتحمل shock عاليه من الموتور و سهل في التعامل و يعتبر من اقوى الموجود دلوقت .
طب ايه تاني ميزه في الفتيس ده ، ان ترتيب الغيارات بتاعته بالطول زي مابنشوف في الفيلم ، ممكن تختلف على حسب ال valve body سواء Forward ولا Reversed ، بس اللي كان في عربيات الفيلم كان forward وده ترتيب غياراته من تحت لفوق : اول ، تاني ، ثالث ، R .
وده بيفسر المشهد لما كانت Ramsey مرمية على وش العربيه و ساعتها Vin diesel عشان يمسكها اضطر يسقط غيار فوش العربيه اترفع من العزم ، والرفعه دي منطقيه بالنسبه للعربيه دي خصوصا انها كانت ٥٠٠ حصان والفرق بين كل غيار والتاني كبير من ناحية ال Gear ratio فبيحصل زياده غبيه في العزم ، اه انها تطير مش منطقي قوي بس ممكن يحصل .
و الفيلم ده بالذات كان معظم العربيات راكب فيها نفس ال Powetrain بموتور 6.2L LS3 و Turbo 400 transmission
الفتيس ده بيتباع لغاية دلوقت ، ومن اجمل التعديلات اللي ممكن تتعمل على اي عربيه ال power بتاعها عالي .
