06/12/2025
Biz dunyodan ketar bo'ldik,
Qolganlarga salom bo'lsin.
Bizlar uchun hayr duo,
Qilganlarga salom bo'lsin.
Ajal bukar belimizni,
So'ylatmasdan tilimizni.
Hasta ekan holimizni,
So'rganlarga salom bo'lsin.
Tanam o'rtaga olinur,
Yoqasiz ko'ylak bichilur.
Bizni toza bir vajh ila,
Yuvganlarga salom bo'lsin.
Azroil olgay jonimiz,
Qurur tomirda qonimiz.
So'nggi kiyim kafanimiz,
Tikkanlarga salom bo'lsin.
Ketar bo'ldik do'stimizga,
Yetolmadik qasdimizga.
Qasd aylab janozamizga,
Kelganlarga salom bo'lsin.
So'zdir so'ylanur orada,
Kimsa urmas bu yaraga.
Borib bizni maqbaraga,
Qo'yganlarga salom bo'lsin.
Dunyoga kelganlar ketar.
Hargiz kelmas yo'lga yetar.
Bizning holimizdan habar,
Olganlarga salom bo'lsin.
Oshiq uldir Haqni seva,
Haq dardida qilar da'vo.
Bizlar uchun Hayr Duo,
Qilganlarga Salom bo'lsin!
Miskin Yunus so'ylar so'zni,
Yoshga to'lmish ikki ko'zi.
Bilmagan Ne bilsin bizni,
Bilganlarga salom bo'lsin!
Yunus Emro
