59on26

59on26 Contact information, map and directions, contact form, opening hours, services, ratings, photos, videos and announcements from 59on26, Cars, 濱江街180巷, Taipei.

早食飯，早肚餓。 知道行去搭車會經過龍津，點知佢今晚D魚蛋發漲晒，試吓後面呢間東京小食站。13蚊十粒，質感幾好，不過味道麻麻。 我話要辣，點知完全唔辣🫠 食完附近無垃圾桶，結俾返佢地自己搞掂。 #魚蛋 #美孚 #美孚美食
03/05/2026

早食飯，早肚餓。 知道行去搭車會經過龍津，點知佢今晚D魚蛋發漲晒，試吓後面呢間東京小食站。13蚊十粒，質感幾好，不過味道麻麻。 我話要辣，點知完全唔辣🫠 食完附近無垃圾桶，結俾返佢地自己搞掂。

#魚蛋 #美孚 #美孚美食

こんばんは! 忍さん... お元気ですか?
30/04/2026

こんばんは! 忍さん... お元気ですか?

59煮 - 忽然想食咖哩三寶, 就用我係澳門誠昌買既咖哩醬整😋
26/02/2026

59煮 - 忽然想食咖哩三寶, 就用我係澳門誠昌買既咖哩醬整😋

試咗。 都係原味好食，句號。 #麥炸雞 #麥炸雞🍗 #辣辣麥炸雞 #炸雞 #麥當勞
28/12/2025

試咗。 都係原味好食，句號。

#麥炸雞 #麥炸雞🍗 #辣辣麥炸雞 #炸雞 #麥當勞

訓夠起身去入油還車, 原來全程行得二百幾公里咁少? 好似去咗好遠咁😛 台灣D油本身已經夠晒平, 隻狼仲咁細食, 油錢總共500蚊台幣有找, 大癲呀! 還完車仲有幾個鐘頭, 去多一道先去機場啦。 終於有機會去吓松山機場, 原來真係好細, 可能...
17/12/2025

訓夠起身去入油還車, 原來全程行得二百幾公里咁少? 好似去咗好遠咁😛 台灣D油本身已經夠晒平, 隻狼仲咁細食, 油錢總共500蚊台幣有找, 大癲呀! 還完車仲有幾個鐘頭, 去多一道先去機場啦。 終於有機會去吓松山機場, 原來真係好細, 可能紅磡火車站仲大過佢, 不過Terminal入面間舖頭仔D精品好吸引😍 由Terminal行過去「飛機巷」有排行, 行得快都至少20分鐘, 不過值得去! 如果唔去Terminal既, 可以搭巴士係出面街落車, 行5分鐘就到。 啟德搬咗就快30年, 溫哥華起完鐵路同Outlet之後, Templeton Dr.果個飛機膠勝地都改建咗, 恨咗嚟松山飛機巷好耐啦! 怕嘈帶定耳塞嚟, D飛機真係好低, 不過其實對唔正機底, 大概唔見有人用hearing protection。

#電單車 #自駕遊 #飛機巷 #松山機場 #松山 #台北 #台灣 #野狼125 #三陽機車

初初走漏眼, 以為酒店係桃園火車站附近, 原來係新起既桃園高鐵站, 成個區係好企理既新發展區, 感覺好唔似台灣😝 唔怪得google map話就到, 但係完全唔認得去咗邊! N年前前出trip, 住過桃園火車站附訓近, 知道冇死錯人, 好旺...
17/12/2025

初初走漏眼, 以為酒店係桃園火車站附近, 原來係新起既桃園高鐵站, 成個區係好企理既新發展區, 感覺好唔似台灣😝 唔怪得google map話就到, 但係完全唔認得去咗邊! N年前前出trip, 住過桃園火車站附訓近, 知道冇死錯人, 好旺, 大把野食😋 但係琴晚訂呢間酒店個陣, 睇留言話竟然附近冇咩好食, 去到check in個陣, 已經見到幾個外賣仔送餐上房。 間房冇窗, 但係畫咗幅畫係牆上, 係乜自己睇🤣 同第一晚一樣, 揸咗成日車, 唔想再揸車出去食野啦, 就行過隔離老麥算數。 今期推緊香港冇既🦑魷魚🦐蝦漢堡, 就試吓佢啦, 味道一般啫, 不過不失, 真係食到一粒粒魷魚, 有魷魚味既。 上次去台灣老麥, 都年幾前, 仲係外賣, 冇留意當時係咪已經玩緊呢種垃圾分類。 要讚既係唔洗叫加大, 杯汽水已經夠晒大, 隻硬膠杯係要回收再用既, 如果有埋膠飲筒就好囉!

#電單車 #自駕遊 #麥當勞 #老麥 #韓味雙牛魷魚堡 #垃圾分類 #桃園 #桃園高鐵站 #高鐵 #台灣 #野狼125 #三陽機車

時候不早了... 去完十分快D去埋菁桐, 打個咭快D返桃園, 廢事撞正繁忙時間經過台北。 認識菁桐, 係一位英年早逝既攝影朋友, 一見到佢影個輯黑白相, 覺得好有feel, 一定要去! 之前都去過, 不過撞啱星期日, 迫滿人🥲 仲唔少係香港...
16/12/2025

時候不早了... 去完十分快D去埋菁桐, 打個咭快D返桃園, 廢事撞正繁忙時間經過台北。 認識菁桐, 係一位英年早逝既攝影朋友, 一見到佢影個輯黑白相, 覺得好有feel, 一定要去! 之前都去過, 不過撞啱星期日, 迫滿人🥲 仲唔少係香港人。 今次weekday就清靜得多! 火車站上面D類似舊工廠活化既Cafe, 影車似乎幾有Feel, 地方又大, 泊隻狼埋柱底唔阻人, 仲原來就快有火車到, 咁就影埋火車先走啦, 落下面老街行陣先。 火車站旁邊舖頭仔, 見到一樣野叫做台電冰棒, 不過我後悔冇試, 原來有段故。 咸豐年起水力發電廠個陣時, 要起埋冰廠嚟冷卻石屎, 打完齋就叫個和尚去整雪條, 最初只係員工福利, 後來可能因為太好食, 又平, 台電當副業咁賣埋雪條, 不過出面唔係道道有。

#電單車 #自駕遊 #菁桐 #台鐵 #區間車 #柴油機車 #台灣 #野狼125 #三陽機車

睇過侯孝賢套悲情城市, 再聽埋陳綺貞首歌, 好多香港人認識咗九份呢個地方, 但係叫錯咗附近呢道做十份😛 其實呢道叫做十分, 無企人邊。 同平溪一樣, 遊客嚟到都係放孔明燈。 個日咁啱嚟咗幾個韓國團, 好多阿🐷豬🤰媽。 #電單車 #自駕遊...
16/12/2025

睇過侯孝賢套悲情城市, 再聽埋陳綺貞首歌, 好多香港人認識咗九份呢個地方, 但係叫錯咗附近呢道做十份😛 其實呢道叫做十分, 無企人邊。 同平溪一樣, 遊客嚟到都係放孔明燈。 個日咁啱嚟咗幾個韓國團, 好多阿🐷豬🤰媽。

#電單車 #自駕遊 #十分 #十分老街 #天燈 #孔明燈 #台灣 #野狼125 #三陽機車

宜蘭返桃園，我重點係想避開交通繁忙既台北，沿住東北海岸到貢寮上返山，到半路入返北宜公路，冇得行13公里長既雪山隧道真係慢好多，不過北部濱海公路沿途勁靚，賺咗😍 經新北市三峽區，繞過台北市區南面返桃園。 野狼係白牌無得上高速，遂個燈停，行車時...
16/12/2025

宜蘭返桃園，我重點係想避開交通繁忙既台北，沿住東北海岸到貢寮上返山，到半路入返北宜公路，冇得行13公里長既雪山隧道真係慢好多，不過北部濱海公路沿途勁靚，賺咗😍 經新北市三峽區，繞過台北市區南面返桃園。 野狼係白牌無得上高速，遂個燈停，行車時間都五個幾鐘。 今朝宜蘭訓醒11點要check out，食咗個維力炸醬麵，勁鹹😝 一路睇吓行到幾遠，肚餓就搵野食。 1點幾經過呢個叫雙溪既小鎮，就係道搵食啦! 入城無耐，見到間咖哩飯，見係對面馬路，就繼續向前睇吓有咩食，結果都係決定返轉頭去幫襯佢。 75蚊台幣，即係廿蚊港紙有找，已經有吉列豬扒咖喱飯，好有日式風味，個咖哩汁唔似係現成，本身唔辣，所以奇怪老闆娘落單個陣問我要幾辣，未撈勻D辣椒粉係甜香唔辣，撈勻後真係變辣😋👍 老闆估到我係香港仔，就開始同我講廣東話😅 未勁到可以全句對答，但係講單字詞彙，發音好純正喎!😎👍 睇佢年紀，似乎係90年代飽讀星爺猛片既一群。 食飽繼續行程，決定唔兜個大圈去九份，去菁桐、十分算數。

#電單車 #自駕遊 #北部濱海公路 #北部濱海公路海岸線 #宜蘭 #雙溪 #貢寮 #咖哩 ＃咖哩飯 #台2線 #台灣 #野狼125 #三陽機車

好! 決定行台7甲落山, 今次真係騰雲駕霧啦! 沿路好多原住民部落, 哈! 唔知點解台灣原住民咁多係信耶穌既呢? 山區好多天主教堂😇 市區就好多廟🙏 今晚住宜蘭, 酒店好近羅東夜市。 Upgrade咗間家庭房俾我, 仲係Penthous...
12/12/2025

好! 決定行台7甲落山, 今次真係騰雲駕霧啦! 沿路好多原住民部落, 哈! 唔知點解台灣原住民咁多係信耶穌既呢? 山區好多天主教堂😇 市區就好多廟🙏 今晚住宜蘭, 酒店好近羅東夜市。 Upgrade咗間家庭房俾我, 仲係Penthouse嚟既🤣 間房好搞笑, 樓上有得sir滑梯落樓下! 第一晚係花蓮食唔到鹽水雞, 今晚要一仇雪恨🗡 羅東夜市我係第三次嚟, 記得有檔車仔檔鹽水雞好食, 返到去同一個道位, 變咗賣第D野😒 搵咗另一檔, 佢玩套餐, 120蚊連兩款配菜, 我揀咗豆干同四季豆, 搞到好大包。本來想一路行一路食, 食完再食下一味, 不過咁大包好難用竹簽, 結果拎咗返酒店房食。 KO咗呢包野, 已經半飽。 行快兩步落去最近個間牛肉麵, 點知佢話截咗單。 行返幾個街口返入羅東夜市, 結果食咗另一間牛肉麵。 算啦, 都係求其填飽埋果半個肚啫, 快D食完返去叉電囉😴

#電單車 #自駕遊 #宜蘭 #羅東夜市 #鹽水雞 #台7甲 #中部橫貫公路 #中橫公路 #台灣 #野狼125 #三陽機車

第二朝訓醒， 係民宿食完包埋既早餐後，再返去武嶺影多一次相📷 落到去展覽館，旁邊有簡單野食，除咗杯麵有關東煮，仲有「全台灣最高」既便當賣，呢個台式this this rice出奇地幾好食喎! 180蚊包咖啡，我問唔飲咖啡有咩選擇，姐姐話可以...
12/12/2025

第二朝訓醒， 係民宿食完包埋既早餐後，再返去武嶺影多一次相📷 落到去展覽館，旁邊有簡單野食，除咗杯麵有關東煮，仲有「全台灣最高」既便當賣，呢個台式this this rice出奇地幾好食喎! 180蚊包咖啡，我問唔飲咖啡有咩選擇，姐姐話可以飲關東煮湯，仲可以添飲😋 凍冰冰又大風，有碗熱湯飲吓舒服晒。 一路食一路諗，究竟經台中走定經宜蘭走。 經台中可以去集集、車珵睇吓鄉下小火車站。宜蘭走可以行吓未行過既台7甲，同埋睇吓東北海岸既風光，終於決定行台7甲落宜蘭過夜。

#全國最高便當店 #便當 #關東煮 #電單車 #自駕遊 #武嶺 #合歡山 #台8線 #中部橫貫公路 #中橫公路 #台灣 #野狼125 #三陽機車

Address

濱江街180巷
Taipei

Website

Alerts

Be the first to know and let us send you an email when 59on26 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category