Check Engine لخدمات السيارات

Call Contact the business

Check Engine لخدمات السيارات ورشة صيانة سيارات

سلام عليكم العربية شانجان بيني ميني benni miniمشكلتها عدم تعشيق وتعليقة في الـN ، اشتغلوا فيها عدة معلمين قبلينا و تم ...
07/11/2022


سلام عليكم
العربية شانجان بيني ميني benni mini
مشكلتها عدم تعشيق وتعليقة في الـN ، اشتغلوا فيها عدة معلمين قبلينا و تم تشخيص العطل بأنه طارة ودبرياش و فحمة وبعد تغيير الحاجات دي المشكلة ما زالت موجودة ( تكلفة اسبيرات 120الف + مصنعية 30الف)
مشى الزبون لعدة ورش واستشارات ونصحوه بتغيير جيربوكس او عمل برمجة جيربوكس ،
جانا في الورشة ومشينا فحصناها طلع لينا اكواد قير وماكينه راجعنا منظومة الجير لقينا حساسات فيها مشكلة + كسر في واحد من تروسselector الجير والسبب الاول مشكلة في الكلتش ادت لباقي المشاكل مع العلم كلتشيها جاي كهرباء
تم بحمد الله حل المشكلة بعد تصنيع الترس في المخرطه ( تأخر في المخرطه ) ، وتم صيانة ووزنة كلتش الكهرباء
مع تحيات ورشة

20/10/2022


ان شاء الله اليوم حنتكلم عن حاجة مهمة شديد وهي الغاء الانظمة او التعديل عليها ، بنسمع مصطلح طرش الكمبيوتر ي عمك ، الغي الثيرموستات ، شغل المراوح دايركت ، الغي حساس نوك ، الغي حساسات الاوكسجين ، الغي ساعة الحرارة ، الغي ABS , زيد العزم بتعديل السوفتوير ، الغي الكتلايزر ، الغي تنبيه الكتلايزر ، الغي الغي الغي .... ، هسي ديل 10 حاجات للاسف بتتلغي ومن ناس مفروض يكونوا عارفين ضرر الغاء اي نظام منها وغير كدة كتير من الانظمة البتم تعديلها ، انت كصاحب سيارة ممكن تقيف هنا وتعرف انو الغاء اي منظومة او تعديلها م لصالح سيارتك ، اما لو حبيت تعرف كيف سيارتك بتتضرر ممكن تكمل الباقي والمقصودين بيهو زملاء المهنة ،
نبدأ بالغاء الايموبلايزر او ايمو اوف او تطريش الكمبيوتر ، ي عمك بغض النظر عن امكانية ارجاع الكمبيوتر للوضع الطبيعي او عدمها انت كدة بتعرض السيارة للسرقة وتاني بتبقي عبارة عن لوري ممكن السارق يدورها بي مفك بلدي عادي او يقطع اسلك الخزنة ويوصلها مباشر و تاني الله يعوضك اما لو لم يتم التطريش ماف زول بقدر يدورها كان نطط او الا زول محترف نسخ مفاتيح ودي صعبة شوية ، احفظ سيارتك ي عمك وانتبه لازم انك تحجب رقم الشاسيه الموجود اعلى الطبلون بالجهة اليسار مع نهاية الزجاج التحت .
ولنا لقاء في شرح الغاء باقي الانظمة والتعديل عليها .
مع تحيات ورشة

https://www.facebook.com/profile.php?id=100086313311087

16/10/2022


من اكبر الاخطاء الواقعين فيها اننا بنتعامل مع الميكانيكا كجزء منفصل ومعزول عن الكهرباء والكهرباء كذلك والشي دة بخلي الميكانيكي او الكهربجي دايش ساي ، صاحب اي تخصص مفروض يكون عندو خلفية جيدة عن التخصص الاخر ع الاقل بكون فاهم الية عمل اجزاء السيارة و فاهم اشتراطات وظروف العمل لكل قطعة ، لو قلنا انت كهربجي فمفروض تكون عارف كهربتك دي لشنو وماشة وين و البحصل شنو لو فيها لخبطة ولو كنت ميكانيكي مفروض تكون عارف انت محتاج شنو من الكهرباء عشان الاجزاء الميكانيكية دي تشتغل تمام ، وتقدر تشخص اعطالها بكل دقة ، وبالتالي توفير وقت واسبير خاصة في الوضع الاقتصادي المتردي دة
اما الجربندية البقولو ليك ناس الفحص بالكمبيوتر ديل طلس ساي و ماف داعي لاستخدام اجهزة !! احب اقول ليهم زمن اللواري دة انتهى ي اخواننا ، اجهزة الفحص دي من الاساسيات والضروريات لكل التخصصات وم تقول لي م بسجل ليك كل الاكواد او م مفيد في كل الحالات لانك م حتقنعني بكدة خت الشاكوش والزردية ديل ع جنب وتعال كشف معاي هنا ، واعرف انه الجهاز دة لو م سجل ليك كود بيعكس ليك الشي الحاصل في كمبيوترات السيارة كلها ( م كمبيوتر واحد) وانت ي شفت بتعرف تقارن القرايات دي وتعرف الشاذة والغير منطقية وعن طريقه حتقدر تستبعد عشرمية احتمال وتركز ع احتمال او اتنين وانت لسة م فتحت كبوت ولا اتدردقت تحت العربية وتجي دغري للمتهم الاول وتحقق معاه
مع تحيات ورشة

12/10/2022


فحص بالكمبيوتر ومتابعة العطل بدقة وعمل ري ست للأنظمة 4000
في حالة عمل اي صيانة الفحص مجاناً
-صيانة وقائية
-صيانة علاجية
-معالجة مشاكل العزم والتقسيمة وعدم انتظام الـRPM
-معالجة ذيادة صرف الوقود
-صيانة منظومة الوقود ومتابعة العطل بشكل دقيق وبالضمان
-صيانة منظومة الاشعال
-صيانة الحساسات وكل القطع الكهربية و متابعتها لايف داتا و التأكد من سلامة عملها بالاكتويشن تست

#كركبة
#ميكانيكا
فحص_بالكمبيوتر

0123215340
0906400468
0918085441

29/09/2022

بشرى سارة لعملائنا الكرام بمناسبة افتتاح موقعنا الجديد لورشة
"CHECK ENGINE"
نعلن عن اسبوع فحص مجاني يبدأ من
السبت 1/10/2022 حتى
الخميس 7/10/2022
كما عودناكم على الخدمة الممتازة نعدكم بالمضي قدماً على ذات الدرب الذي نال رضاكم
خدماتنا :
فحص كمبيوتر
كهرباء سيارات
ميكانيكا
كركبه
تكييف
برمجة أنظمة
صيانة وقائية
العنوان : الحله الجديده غرب توب استوب
عمر 0123215340
علي 0906400468
واتساب
https://wa.me/message/JXATSC44BIUUE1

https://wa.me/message/UHMVW3LWW
فيسبوك
https://www.facebook.com/profile.php?id=100086313311087
الموقع الجغرافي
https://www.google.com/maps?q=loc:15.5686193,32.5230335

Address

الحلة الجديدة غرب أبوحمامه
Khartoum

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Saturday 08:00 - 17:00
Sunday 08:00 - 17:00

Telephone

+249123215340

Website

Alerts

Be the first to know and let us send you an email when Check Engine لخدمات السيارات posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Check Engine لخدمات السيارات:

Shortcuts

Share

Category