29/09/2026
ہونڈا BR-V پاکستان سے ختم ہو گئی، لیکن آخر کیوں؟
ہونڈا نے پاکستان میں BR-V کو باضابطہ طور پر Discontinue کر دیا ہے۔ یعنی اب اس گاڑی کی مقامی پروڈکشن اور نئی بکنگ نہیں ہوگی اور BR-V اب Honda کی موجودہ لائن اپ کا حصہ نہیں رہی۔
ایک بڑی وجہ اس کی کم ہوتی ہوئی سیلز ہو سکتی ہے۔ BR-V کافی عرصے سے پاکستان میں اتنی زیادہ فروخت نہیں ہو رہی تھی اور حالیہ سیلز نمبرز میں بھی اس کی ڈیمانڈ میں کافی کمی نظر آئی تھی۔ دوسری طرف پاکستان کی مارکیٹ بھی پہلے جیسی نہیں رہی، خاص طور پر چائنیز برانڈز کی انٹری کے بعد مارکیٹ میں بہت زیادہ مقابلہ آ گیا ہے، جہاں نئی گاڑیاں زیادہ فیچرز اور جدید ٹیکنالوجی اور جدید ڈیزائن کے ساتھ زوروں شوروں سے پاکستان کا رخ کر رہی ہیں۔
لیکن یہ صرف ممکنہ وجوہات ہیں۔ Honda نے خود یہ نہیں کہا کہ BR-V کو کیوں بند کیا گیا ہے۔
ایک اور امکان یہ بھی ہے کہ Honda اپنی آنے والی لائن اپ میں کوئی تبدیلی کرنے جا رہا ہو۔ کمپنی کی طرف سے مستقبل کے نئے ماڈلز کے حوالے سے کام کرنے کا بتایا گیا ہے، لیکن ابھی تک اس بارے میں کوئی تفصیلات سامنے نہیں آئیں۔
فی الحال ایک بات کنفرم ہے کہ 2017 میں پاکستان میں آنے والی Honda BR-V کا یہاں کا سفر اب ختم ہو گیا ہے۔
آپ کے خیال میں BR-V کو بند کرنے کی سب سے بڑی وجہ کیا ہو سکتی ہے؟
