21/04/2022
دلبر سندھی جی وال تان
جُهڳي اسان جي ڪکن پَنن جي
نظر انهن ۾ به دشمنن جي
لڪي لڪي ويا وِڪوڙي ويري
ڪکن تي ڪوسي رکيائون ڪيري
دُکي دُکي سا ٻَري پئي آ
زبان رت سان ڀري پئي آ
اسان جي نَس نَس وڍي وئي آ
اسان جي رَڳ رَڳ رَڌي وئي آ
ڳَڀا ڳَڀا ٿي چُرون پُرون ٿا
ڀَڳل ٽُٽل کي ڳنڍڻ گُهرون ٿا
جِگر جَليو دل ڳَري پئي آ
زبان رت سان ڀري پئي آ
ڪوئلو تيل گئس وغيرھ جهڙين قدرتي معدنيات سان مالا مال امير سنڌ جي اٻوجھ ۽ غريب ماڻھن جي سورن جي ڪهڙي ڳالھ ڪجي
ڌرتي ڌڻين جي حقن جي ڪھڙي ڳالھ ڪري ڪهڙي ڳالھ ڪجي
ان کان وڏو ٻيو الميو ڪهڙو هوندو جو اسان پنهنجي ڌرتيء تي ئي ڌاريا آھيون
اسين جڏهن آفيسن ۾ ڪرپشن جي،
ٿاڻن تي انصاف جي،
اسپتالن ۾ سهولتن جي،
زمينن لاء پاڻي جي ڳالھ ٿا ڪريون
جائز ۽ بنيادي حقن جي ڳالھ ٿا ڪريون ته اسان جي واويلا ۽ رڙين جو هنن ظالمن جي صحت تي ذري برابر به اثر نٿو پوي
محترمه شھيد کان پوء 14 کان 15 سال سنڌ اندر اقتدار ۾ رهندڙ ۽ اسان تي زوري مسلط ٿيل اسان جي حاڪمن انسانيت جي ناتي ئي اسان کي انسان سمجهي انسانن وارا حق ته ڏين ها
اڄ به انهن جي بنگلن تي ڌاريل ڪُتن کي جيڪي حق حاصل آھن هُنن جي نظر ۾ شايد اسان جي ايتري به اوقات ناهي.
هڪڙو وڏو سچ اهو به آھي ته اسان جي مٿان اهي ظالم جابر مسلط ڪرڻ وارا،
اسان جي ڳچي ۾ اهو غلامي جو طوق وجهڻ وارا،
اسان کي انهن وحشين جي در جو ڪُتو بڻائڻ وارا،
انهن جي نظرن ۾ اسان کي بي وُقعت ڪرڻ وارا اسان جا پنهنجا پاڙي جا راڄ جا ڳوٺن جا وڏيرا ئي آھن
جن صرف پنهنجي فائدن لاء پنهنجو ڀڀ ڀرڻ لاء برادر ۽ مائٽي جي نالي تي اسان کي بليڪ ميل ڪري هميشه لاء غلامي جي اونداهين ۾ ڌڪي ڇڏيو
سنڌ جي شعور جي پهرين سيڙهي (ڏاڪڻ) کي ختم ڪرڻ لاء اسڪولن جا فند کائي اسڪولن کي اوطاقون ۽ مال جا وٿاڻ ٺاهي اسڪولن کي هٿ سان تباھ ڪري مستقبل جي معمارن مطلب اسان جي ايندڙ نسلن جي به شعور کي ڪاپاري ڌَڪ هڻڻ وارا اسان جا اهي ئي مقامي وڏيرا آھن
اهو سلسلو آخر ڪيستائين هلندو
ڪجھ وقت پهرين جڏهن متوقع بلدياتي اليڪشن جي آمد آمد هئي ته مون سنڌ جي نوجوانن کي بيدار ڪرڻ لاء سوشل ميڊيا جي ميدان تي پنهنجي تحريرن سان ڀرپور تحريڪ هلائي اوهان منهنجي آء ڊي تي ڇڏيل سڀ پوسٽون پڙھي سگهو ٿا ڪافي ڪجھ اڳڀرائي به ٿي باشعور نوجوانن ميدان ڪرڻ جا وچن به ڪيا وري ملڪي صورتحال جي پيشِ نظر سنڌ اندر بلدياتي اليڪشن ڪجھ پويان ٿي وئي هاڻ جڏهن وري بلدياتي اليڪشن جون تياريون هلي رهيون آھن ته
آئون چاهيان ٿو پنهنجي هن تعلقه ٽنڊو غلام حيدر جي باشعور نوجوانن ۽ عوام جو درد رکندڙ قلم ڌڻين ۽ اخلاص سان انسانيت جي خدمت جو جذبو رکندڙ دوستن سان عيد کان پوء ھڪ ميٽنگ ڪئي وڃي ۽ عوام کي بيدار ڪرڻ لاء (سُجاڳي مهم) جو آغاز ڪيو وڃي تانته عوام پنهنجو قيمتي ووٽ صحيح استعمال ڪري
هن ڪرپٽ رياستي وڏيري جي مقابلي ۾ اگر مخلص ايماندار ۽ خلق جي خدمت ڪرڻ جو جذبو رکندڙ ڀلي غريب مسڪين ڪمزور ۽ ڀنگي ڀِيل ڇو نه هجي ان جو ساٿ ڏئي ان کي ڪامياب ڪري هنن رياستي وڏيرن کي ٻڌايون ته هاڻ اوهان جو وقت پورو ٿيو
ان لاء آئون اوهان پيارن مان اميد ٿو ڪيان ته پنهنجي قيمتي راء کان ضرور آگاھ ڪندا ته آخر هن غلامي جي زنجيرن کي ٽوڙڻ لاء ڇا ڪرڻ گهرجي اگر ڪا ميٽنگ رکجي ته ڪٿي ۽ ڪڏهن؟
نہ سمجھوگے تو مِٹ جاؤگے
تمہاری داستاں تک نہ ھوگی
داستانوں میں
مُجاهد ڪمنٽ ڪن باقي مُجاور هن پوسٽ کان پاسو ڪن
