04/08/2025
“Kwallon Azurfa”
(Labari mai cike da darasi da ban mamaki)
A cikin wata ƙaramar unguwa a garin Zaria, akwai wani matashi mai suna Nasir. Yana sayar da lemu a kasuwa don taimakawa mahaifiyarsa mai fama da cutar hawan jini.
Rana guda, wani dattijo mai tsufa ya zo kasuwa cikin tufafi masu datti, yana neman ruwa da bashi naira 50. Kowa ya ki kulawa da shi. Amma Nasir ya ba shi lemu kyauta da guntun kuɗinsa.
Dattijon ya kalli Nasir ya ce:
"Kai ka fi zinariya daraja."
Ya ciro ƙwallon azurfa daga aljihunsa, ya mika wa Nasir, sannan ya ɓace kamar ba'a taɓa ganinsa ba. Mutane s**a ce tabbas sihiri ne ko aljanu.
Nasir ya kai ƙwallon azurfar gida. Mahaifiyarsa ta ce:
"Ka je ka gwada a wajen masu sayar da kayan tarihi."
Da ya je, sai s**a ce wannan ƙwallon ba ta da kima a kasuwa... sai dai wata tsohuwar mata a bakin kasuwa ta ce:
"Na ga irin wannan a Indiya shekaru 60 da s**a wuce. Duk wanda ya mallake ta yana da arzikin da ba ya karewa — muddin bai sayar da ita ba."
Nasir ya koma gida, ya ajiyeta a cikin akwati. Kwana biyu bayan haka, wani babban dan kasuwa daga Legas ya kira shi bayan ya ji labarin ƙwallon — ya nemi ya saya da miliyan 20, amma Nasir ya ƙi.
A yanzu, Nasir ya kafa "Lemun Nas", kamfani mai rarraba lemu a duk Arewa, kuma mahaifiyarsa tana samun magani daga likitoci a India.
A ƙarshe: Ka daina raina alheri ko ƙaramar kyauta. Wani lokacin, rahamar Allah tana zuwa a cikin tufafin wanda ba ka tsammani.
