Fdiwa Fachane

12/05/2022

28/12/2021

28/12/2021

تشورو (خرینکو) مقرمش ولذيذ
المقادير:
200غ دقيق +300 مل ماء مايعدل 2 كيسان عنبة+ملعقة كبيرة سكر+ملح+ملعقة زبدة+1فاني+بيضة واحدة
الطريقة:
في كاسرونة كانديرو الماء والزبدة نحطهم على النار حتى يغلى وتذوب الزبدة كليا نضيف ليهم السكر والفاني والملح، ثم نضيف الدقيق دقة واحدة ونخلط كلشي بسرعة حتى
كتجمع لينا العجين..كنحيدوه من فوق النار ونضيف ليه بيضة واحدة ونخلط بسرعة حتى تتجمع..نتركها تبرد قليلا، صافي نبداو بتشكيلها كنخرجوها من البوق ديال الحلوى حتى نساليو الكمية كلها اللي عدنا ديال العجين ونبداو نقلیو.فالزيت
ملاحظة: لازم الزيت نخلوه حتى يسخن مزيان عاد نقصو العافية ونبداو نقلیو وفالاخير نرش السكر.

27/12/2021

مسمن أو ملوي حجم صغير لفطور الصباح او الكوطي كيجيو هشاش و مورقين بحال الرزيزة
المقادير :
كأسين دقيق الفينو او السميد الناعم
ثلاث كؤوس دقيق ابيض نوع ممتاز
ملح
ملعقة طعام سكر حبيبات
ملعقة صغيرة خميرة حلويات
كأس حليب بدرجة حرارة المطبخ
ماء حسب الخليط
نخلطو المقادير الجافة كاملة نجمعهم بالحليب و الماء تكون عندنا
عجين رطب مکیتلصقش فاليدين نديرو يتعجن فالعجانة مدة 10 حتال 15 دقيقة هاد الخطوة مهمة او نبقاو ندلكو بالأيدي حتى تولي عندنا عجين أملس نديرو العجين فبلاستيكة و نخليوه يرتاح قد لي
بغينا ساعة زوج .... هادا هو السر باش يجينا الملوي مورق و میعدبناش فالخدمة ديالو
بالنسبة ليا خليتو رتاح ساعة وحدة و شكلت منو 20 کويرة نفس الحجم دهنتهوم بالزيت و غطيتهوم بلاستيك غدائي.
نوجدو ثلاثة زلايف وحدة فيها زيت الطبخ العادية ، وحدة ندوبو الزبدة (حيوانية من الافضل والاخيرة نديرو فيها سميد ناعم مع ملعقة كبيرة دقيق النشا مع نصف ملعقة خميرة حلويات (هاد الخليط رهيب فالتوراق ممكن اعتمادو حتى فالمسمن المربع ).
ناخدو اول كرة نبسطوها باليد بالزيت ترشوها بالزبدة و بخليط السميد نشكلوه على شكل ملوي نرجوه للطاوة ونغطيوه بالبلاستيك ملي نكملو الكمية
كاملة فالطويان ناخدو مقلاة ثقيلة او غير لاصقة نشعلو النار متوسطة نبسطو الملوية باليد منرققوش بزاف ونطيبوها من الجهتين حتى تتحمر وبالصحة و الراحة

27/12/2021

بيتزا بطون او بعجين هشيش كتجي رائيعة فلمذاق متشبعوش منها
عجينة بيتزا:
3 کیسان عامرين دقيق
شوية ملح
م كبيرة سكر خشن
م كبيرة خميرة الخبزم كبيرة
دانون مسوس(ياغورت طبيعي)
م كبيرة حليب نيدو
نص كاس زيت عود
ماء دافئ لجمع العجين
طريقة التحضير عجين:
في إناء أتخلطو كولشي ما عدا سنيدة و خميرة خبز ادير وهم فكأس ماء دافئ او حليب لي بغيتو تتخلطو
كولشي او تبان ليکوم عجين ترملات عاد زيدو كاس لي درتو فيه خميرة او سنيدة او جمعوا عجین دیالکوم او غطيوها مزيان او خليوها ساعة علامة وجتوا حشوة ملي توجدو حشوة دهنو الصينية بزیت الزيتون او ديرو عجین دیالکوم سرحوها غي بایدیکم تقبوها ب فورشيط دخلوها طيب
نص طيبة عاد عمروها دیرو صوص طوماط عاد بصل فلفل حلو طون فرماج زیتون زعتر أو رجعوها فرن يدوب
فرماج او قطعوها مربعات
طريقة تحدير صلصة طماطم :
3 حبات طماطم محکوکین شوية ملحة بزار تحميرة زيت م صغيرة مطيشة حك زعتر م صغيرة سكر فص توم محكوك فلفل مشحر مع شوية زيت او ملح او بزار کداليك لبصل نفس طريقة فرماج احمر. وبالصحة و الراحة

26/12/2021

25/12/2021