صبراته لكشف اعطال السيارات بالكمبيوتر

  • Home
  • Libya
  • Sabratah
  • صبراته لكشف اعطال السيارات بالكمبيوتر

صبراته لكشف اعطال السيارات بالكمبيوتر ورشة اصلاح سيارات

السلام عليكم ورحمة الله وبركاته يومكم طيب اخوتي المتابعين حبيت نزل منشور بخصوص عدم التواجد فالورشه هذا الاسبوع نظرا لمنا...
13/09/2026

السلام عليكم ورحمة الله وبركاته

يومكم طيب اخوتي المتابعين

حبيت نزل منشور بخصوص عدم التواجد فالورشه هذا الاسبوع

نظرا لمناسبة فرح ابناء عمومتي
ثلاث شباب ربي يتمملهم على خير

نسأل الله ان يعمر دياركم بالإفراح
يارب العالمين

تحياتي للجميع🖐

كشفنا على سيارة نوع نيسان صني 2006 تقريبا مشكلة السيارة 👇👇👇صاحبها قال السيارة طفت فجاءة وهيا تتحرك ولما ولع ماولعتش من ا...
10/09/2026

كشفنا على سيارة نوع نيسان صني 2006 تقريبا

مشكلة السيارة 👇👇👇
صاحبها قال السيارة طفت فجاءة وهيا تتحرك ولما ولع ماولعتش من الاول بعد تاني مرة
____________________________
الكشف والتشخيص 👇👇👇
كشفنا بالجهاز عطانا كود يخص حساس الكولو

يعتبر كيف بادي يعطل احتمال ينضرب نهائيا فاي لحظة

بالتوفيق للجميع

كشفنا على مازدا بريميسا مشكلة السيارة 👇👇👇صاحبها يقول ادير في غصه ونفضه فالمحرك في بداية التسارع يعني عند.الضغط وانا جربت...
10/09/2026

كشفنا على مازدا بريميسا

مشكلة السيارة 👇👇👇
صاحبها يقول ادير في غصه ونفضه فالمحرك في بداية التسارع يعني عند.الضغط وانا جربتها لما نشرينلها في مكانها ادير فغصه قويه بعدين تتسرح
____________________________
الكشف والتشخيص 👇👇👇
بدون جهاز الكمبيوتر
كشفنا على البوبينات لان عطل شائع
👇👇👇👇
لقينا وحدة من البوبينات تسرب لبرا بشكل كامل من عند البوبينه القصبه كامله وهدي بوبينه تعطي لزوز بساطين يعني اي ضعف فيها يأتر على زوز بساطين بالتالي يتأتر اداء المحرك

بالتوفيق للجميع

كشفنا على سيارة نوع كيا كادينزا موديل 2011 محرك 30 عادي مغيره السيارة ___________________________مشكلة السيارة 👇👇👇فيها ت...
10/09/2026

كشفنا على سيارة نوع كيا كادينزا موديل 2011
محرك 30 عادي
مغيره السيارة
___________________________
مشكلة السيارة 👇👇👇
فيها تفطفيطه ثابته فالمحرك والمحرك مش مستريح
حسب كلام صاحبها كل حد يقوله شكل هدا حسب كلامه
____________________________
الكشف والتشخيص 👇👇👇👇
باعتبار المشكلة تفطفيطه ثابته هذا يعني ان في بسطوني ميخدمش
ومغذيات البسطوني معروفه

كشفنا بالجهاز معندناش اكواد
رغم ان السيارة تفطفط

لكن كشف نظري لقينا البسطوني السادس ميخدمش
بدلنا البوبينه مع لي جنبها بدلنا شمعه قسنا الضغط سليم
اهني العطل اصبح واضح

رشاش مسكر كهربائيا سليم لكن مسدود تم استبداله
ولعنا السيارة ولعت معدله امورها تمام وربي يباركله في رزقه

بالتوفيق للجميع

سيارة نوع جيب موديل 2005معروفه الشيخ زايد مشكلة السيارة 👇👇👇طفت السيارة فجاءة معش ولعت جابلها صاحبها بونبة تشي وركبو الشب...
08/09/2026

سيارة نوع جيب موديل 2005
معروفه الشيخ زايد

مشكلة السيارة 👇👇👇
طفت السيارة فجاءة معش ولعت
جابلها صاحبها بونبة تشي
وركبو الشباب ونفس الشي ماولعتش
____________________________
الكشف والتشخيص 👇👇👇
حاجة وحده استخدمناها في جهاز كشف الاعطال
وهيا الدخول على خاصية
active test
واخترنا تشغيل ريلي البونبة تشي

السيارة عالكريك وفصلنا الفيشه من تحت مع تشغيل الريلي بواسطة الجهاز وحاطينا جهاز الفولت لقينا الموجب يوصل
والارضي سليم
لكن البونبة متخدمش جربنا من عند الفيشه مباشرة نفس الشي متخدمش

فكو الشباب البونبة
اهني المشكلة طلعت الفيشه صاير فيها مشكلة فالكهرباء دارت عازل تحديدا في خط الموجب
👇👇👇👇
ركزو فالصور تحت
👇👇👇👇
نفظناها وركبنا وجربنا ولعت السيارة ومشت امورها بشكل مبدئي لكن تحتاج تغيير فلترو بالكامل لان معبى شوائب وتراكم اوساخ
____________________________

بالتوفيق للجميع

كشفنا على سيارة نوع هونداي فيرنا 2002 مشكلة السيارة 👇👇👇السيارة جايا للورشه سحب يعني يكرو فيها بسيارة تانيه طافيه ومعش ول...
07/09/2026

كشفنا على سيارة نوع هونداي فيرنا 2002

مشكلة السيارة 👇👇👇
السيارة جايا للورشه سحب يعني يكرو فيها بسيارة تانيه طافيه ومعش ولعت
____________________________
الكشف والتشخيص 👇👇👇
كشفنا بالجهاز معندناش اكواد

استبعدنا الجهاز وشخصنا نظري

موضوع السيارة او سبب المشكلة
خيوط الشماعي
الكهرباء واصلة للبوبينه وطلع فالكهرباء لكن الضعف صاير فالخيوط
____________________________
جابلها خيوط من الرابش ولعت على طول والحمد لله بتوفيق من عند لله

بالتوفيق للجميع

كشفنا على سيارة نوع هونداي موديل 2004 محرك 4مشكلة السيارة 👇👇👇حسب كلام صاحبها ان السيارة تجري فالطريق فجاءة تصيرلها غصه و...
07/09/2026

كشفنا على سيارة نوع هونداي
موديل 2004 محرك 4

مشكلة السيارة 👇👇👇
حسب كلام صاحبها ان السيارة تجري فالطريق فجاءة تصيرلها غصه
ومعش تاخد
صاحبها غير بونبة تشي وغير حساس امبروكم وسيريا شماعي تقريبا المهم سرفس
____________________________
الكشف والتشخيص 👇👇👇
كشفنا بالجهاز عطانا كود يخص حساس الكولو
طالع واضح وصريح

قتله غيره باذن الله تمشي امورها كويسه ان شاء الله

بالتوفيق للجميع

هونداي ازيرا موديل 2009محرك 27مشكلة السيارة 👇👇👇السيارة فيها تفطفيطه تصيرلها مرة مرة ____________________________الكشف وا...
05/09/2026

هونداي ازيرا موديل 2009محرك 27

مشكلة السيارة 👇👇👇
السيارة فيها تفطفيطه تصيرلها مرة مرة
____________________________
الكشف والتشخيص 👇👇👇
كشفنا بالجهاز عطانا كود يخص نظام evaporation system
نظام تبخير الوقود

وعطانا كود البوبينه رقم 2 فيها مشكلة
____________________________
الخلاصه
السيارة تحتاج تغيير بوبينه هدا واضح

لكن مشكلة نظام تبخير الوقود
هيا انهم مغيرين بونبة تشي كامله بالقاعدة متعها ومش مركبين حساس ضغط الدنك

اهني فالحالة هدي
purg valve
الموجود فالمحرك لقدام يخدم بشكل متواصل لان بوكس السيارة غابت عليها اشارة الحساس الخلفي من الدنك
وزيدها صمام التهويه
vent valve
عاطي stock
يعني مقفل
هدا الشي مش كويس لان صمام التهويه لما يكون فيه شفط من المبخر الامامي يفتح بحيث ميصيريش اعوجاج او انكماش ولو بشكل جزئي لدنك نفسه

و صمام المبخر يخدم دركت بأمر من البوكس
لابد من تركيب حساس ضغط الدنك وتنظيف صمام
vent valve
لان خدمته بالجهاز ماسمعتش صوته او ممكن لابد يتغير الكانستر بالكامل اذا استمرت المشكلة بعد تركيب حساس ضغط الدنك

بالتوفيق للجميع

السلام عليكم ورحمة الله وبركاته يومكم طيب مبارك ان شاء الله توضيح بسيط البعض يسأل على بعض امور تخص الشغل وكيف متصلحوش وغ...
04/09/2026

السلام عليكم ورحمة الله وبركاته
يومكم طيب مبارك ان شاء الله

توضيح بسيط
البعض يسأل على بعض امور تخص الشغل وكيف متصلحوش وغيرها من الامور
👇👇👇👇👇👇👇👇
نحنا ورشة كشف وتشخيص اعطال لسيارات

يعني مش مركز كامل متكامل
الورشه خدمة ميكانيكا وصالة
هدا شغل الشباب فالورشه ربي يعاونهم ويوفقهم
👇👇👇👇
نحنا كشف كمبيوتر وتشخيص اعطال نستخرجو فالعطل عن طريق الجهاز واحيانا عن طريق الخبره بحكم مرور بعض الاعطال علينا واضحه متحتاجش جهاز
👇👇👇👇👇👇👇👇👇
تنظيف رشاشات معندناش
كشف على تسريب الهواء بماكينة دخان معندناش
تنظيف كربون معندناش

مش محل قطع غيار
مش رابش
مش محل استعمال اروبي
👇👇👇
هدا اكله معندناش نحنا نكشفو ونشخصو المشكلة اذا فيه امكانيه لصيانه بعض الامور نصينو
خاطي هكي نعطوك المشكلة والعطل
ونوجهوك لحل المشكلة منين تبدا وين تنتهي
متلا عطل بوبينه يجيك واحد يقلك ليش متصلحوش فيهم بوبينه بالله شن بتصلح فاها
واحد يعلقلك على خطأ فالكتابه هدي كيبورد هاتف مرات تخرط ومتنتبهش يكبشو فيها

على اي حال الحمد لله نحنا راضيين على شغلنا والناس الي تعاملت معانا يعرفو الاسلوب ويعرفو نحنا كيف نشتغلو ورضا الناس الي تعاملت معانا هدا الي يهمنا

هدا توضيح حبيت نوضحه للبعض

الفيديوات منشتغلش عليها
نخدم على موضوع المنشورات الي يبي يتعلم ويستفيد عندك اليوتيوب مقاطع توضيحيه صح طويله مملة لكن الي بيتعلم يستفيد

اما مقطع فيديو دقيقه ودقيقه ونص هدا مافيش استفادة هدي وجهة نظري وكل حد ليه وجهة نظر فالموضوع هدا وربي يعاون الجميع
يارب العالمين

بالتوفيق للجميع

وربي يعاون ويوفق الجميع

هونداي سانتافي موديل 2009محرك 33 مشكلة السيارة 👇👇👇عنده لمبة حساسات الايطارات tmpsوعنده rpm يرقى وينزل شوي حاجه بسيطة___...
03/09/2026

هونداي سانتافي موديل 2009
محرك 33

مشكلة السيارة 👇👇👇
عنده لمبة حساسات الايطارات
tmps
وعنده
rpm
يرقى وينزل شوي حاجه بسيطة
____________________________
الكشف والتشخيص 👇👇👇
كشفنا بالجهاز معندناش اي كود او عطل بالنسبة للمحرك

بخصوص حساسات الايطارات عنده الحساس رقم 4 مأشر نظام بطاريه داخليه وممكن عمر افتراضي للبطاريه انتهاء

تبعنا البيانات الحيه لايف داتا
مافيش حاجة واضحه

لكن شحن الدينمو مع كامل الحمل

ينزل لي 11.8
يعني شحن الدينمو تعبان او ضعيف جدا
السيارة تبي 👇👇
كشف أو صيانه او تغيير الدينمو اول شي
تحتاج تنظيف بوابة ولو كان اجراء بسيط المهم تتنظف البوابه

باذن لله تمشي امورها كويسه ان شاء الله.

بالتوفيق للجميع

Address

تليل
Sabratah

Opening Hours

Monday 11:00 - 18:30
Tuesday 11:00 - 18:30
Wednesday 11:30 - 18:30
Thursday 11:00 - 18:30
Saturday 11:00 - 18:30
Sunday 11:00 - 18:30

Telephone

+218927678205

Website

Alerts

Be the first to know and let us send you an email when صبراته لكشف اعطال السيارات بالكمبيوتر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category