25/05/2023
ඔබේ වාහානයට ගැලපෙන ටයර් කට්ට රටාව පිලිබදව ඔබ දැනුවත්ද?🤔
ඔබේ වාහානයට ගැලපෙන ටයර් එක දැන් ඔබටම තෝර ගන්න පුලුවන්👇👇👇
🛑 Symmetric tread/ සම්මත කට්ට රටාව යනු ටයරයේ වම්පස සහ දකුණු පසත්, ඉදිරිපස සහ පසුපස, යන පැති වල ඒකාකාර කට්ට රටාවක් දැකිය හැකි ටයර් මාදිලිය. මීට අදාල පහත රූපය තුලින් ටයරය පොලොව හා ගැටෙන පෘෂ්ඨය (contact surface) ඒකාකාරී බව දැක ගත් හැකිය.මෙම ටයර මාදිලි ඕනම කැරකුම් අතකට (rotation direction) සවි කිරීමට හැකිය. ඊට අමතරව මෙම කට්ට රටාව අඩු ප්රතිරෝධී බලයක් (rolling resistance) ඇති කරන නිසා ඉන්ධන පිරිමැසුම් දායක වේ.
🛑 Asymmetric tread / අසමමිතික කට්ට රටාවක් සහිත ටයර් වල විශේෂත්වය වන්නේ ටයරයේ ඇතුලත කට්ට මාර්ගයේ වතුර ඉවත් කරන ලෙසත්, පිටත කට්ට වංගු වලදී හොඳ ඝර්ෂණයක් ලබාදී වඩාත් ආරක්ෂාකාරී වීමයි. වංගු ඇති මාර්ගවල නිතරම ධාවනය කරන රථ වලට මෙම tread pattern සහිත ටයර් භාවිතා නිර්දේශි කරයි.
🛑 Unidirectional tread / දීශාගත කට්ට රටාවක් සහිත මෙම ටයරයේ V හැඩැති කට්ට රටාවක් ඇති අතර මෙම රටාව තෙතමනය සහිත මාර්ගවල උපරිම ඝර්ෂණය ලබාදීමට හේතුවේ. මීට අමතරව මෙම ටයරය මාර්ගයේ ධාවනය වීමේදී ඇතිවෙන ශබ්දය අවම කරයි.
Terrain Type
🛑 Highway tyres මෙම ටයර් මාදිලි බහුලවම භාවිතා වෙන්නේ තාර ඇතිරූ මහමාර්ග වල, අධිවේගී මාර්ගවල ධාවනය සඳහායි. හොඳ ඝර්ෂණයක් මාර්ගය සමග ලාබා දෙන අතර, ඉන්ධන කාර්යක්ෂමතාව හෝ වේගය යන දෙකින් එකකට ප්රමුඛතාව ලබාදෙයි. ටයරයේ දැඩි ස්වභාවය වැඩිනම් ඉන්ධන පිරිමැසුම වැඩි අතර ටයරයේ නම්යශීලිතාව වැඩිනම් එය වේගය ප්රමුඛ කරනු ඇත.
🛑 All-terrain, මෙම ආකාරයේ ටයර් මහා මාර්ගයේ ධාවනයට සහ ඉන් පිටත ධාවයනයට සරිලන අයුරින් නිපදවා ඇත. කෙටියෙන් (AT) ලෙස හඳුවන මෙම ටයර් වල යම් ගැඹුරු කට්ට රටාවක් සහ මාර්ගයේ වතුර ඉවත් කිරීමට පහසු වන අයුරින් නිපදවා ඇත.
🛑 Mud terrain හෙවත් මඩ ටයර් (MT) ලෙස හඳුන්වම මෙම මාදිලියේ ටයර් off-road ධාවනය සඳහා නිපදවා ඇත. මෙහි කට්ට රටාව වෙන් වෙන් කොටස් වශයෙන් ඇති අතර මෙහි වාසිය වන්නේ මඩ, ගල් වැනි දේ මගහැර හොඳ ඝර්ෂණයක් ලබා දීමයි. මෙම මාදිලියේ ටයර් තරමක් මිලෙන්ද අනිකුත් ටයර් වලට වඩා ඉහළ වේ.
