Leasing ගුරු

03/06/2026

03/06/2026

Toyota Hiace (Dolphin)

ටොයෝටා හයිඒස් වෑන් වල හතර වෙනි පරම්පරාව, එහෙමත් නැත්නම් අපි කවුරුත් දන්න විදියට ඩොල්පින් වෑන් එක කියන්නේ වාහන පිස්සුව තියන ගොඩක් කොල්ලන්ගේ සිහින වාහනයක්.ඉතින් දන්න ඩොල්පින් වෑන් එක ගැන නොදන්න දේවල් දැනගන්න කවුරුත් ආස ඇතිනේ..

ඩොල්පින් එක කියන්නේ ජපානයේ ටොයෝටා හයිඑස් වෑන් වල H100 series කියන වාහන පෙල.1989 වසරෙ මැද හරියෙ ඉදල 2004 වසර වෙනකල් මේ වාහන නිෂ්පාදනය කරලා තියනවා.
H100 series වෑන් රථ, දිග ප්‍රමාණය අනුව මාදිලි 3කින් නිෂ්පාදනය වෙලා තියනවා.

1. Standard wheel base (අපේ විදියට නම් කොට මොඩල් එක)
2.Long wheelbase (මීඩියම් ෆ්ලැට් රූෆ්/හයි රූෆ්) - අපි කියන විදියට දිග මොඩල් එක..
3.Super long wheelbase (බේබි ග්ලාස් මොඩල්/හයි රූෆ් සුපර්ලෝන්)
ඒ වගේම මේ වෑන් රථ, එන්ජින් මාදිලි කීපයකින් නිෂ්පාදනය කරලා තියනවා.මේ ඒවගෙන් කීපයක්..

• 2.0 liter petrol engines (2446cc)
• 2L diesel engine
• 2.0 turbo diesel engine
• 3L diesel engine (3L) (2779cc)
• 3.0 liter turbo diesel engine
• 5L diesel engine (5L) (2986cc)
• 1kz turbo diesel engine (2982cc)
H100 පරම්පරාවේ rear wheel drive, එනම් පසුපස රෝද මගින් බලය ලබාගෙන ගමන් කරන වාහන සහ, 4wd එනම් රෝද හතරෙන්ම බලය ලබාගෙන ගමන් කරන වෑන් රථ නිෂ්පාදනය කර ඇත.
සමස්තයක් විදියට ගත් විට 4wd මොඩල් වල ඉන්ධන පරිභෝජනය 2wd මොඩල් වලට වඩා වැඩි වේ. 4wd වාහන වල රෝද හතරම එන්ජිම මගින් කරකවන බැවින් වාහනයේ බලය වැඩි උවත්, එම බලය ලබා දීමට එන්ජිම මගින් වැඩි ඉන්ධන පරිභෝජනයක් සිදු කරන බැවින් තමන්ට වඩාත්ම ගැලපෙන්නෙ 2wd ද 4wd ද කියල තමන් තීරණය කරගතයුතු වේ.

සමහරක් 4wd මොඩල් වල වාහනය ඉදිරිපසට ගැනීමේදී යම්කිසි වේග සීමාවක් දක්වා (උදා:-30km/h) සහ පසුපසට ගැනීමේදී 4wd ක්‍රියාත්මකව පවතින අතර, සමහර මොඩල් වල මැනුවල් ආකාරයට ඉදිරිපස රෝද වල හබ් ලොක් එකක් මගින් අවශ්‍ය විටකදී 4wd ක්‍රියාත්මක කරගැනීමට හැකියාව ඇත. කෙසේ වෙතත් මෙහි ඇති අමතර කොටස් නිසා 2wd මොඩල් වලට වඩා බර වැඩි හෙයින් ඉන්ධන පරිභෝජනය වැඩි අතර, වාහනයේ හැරවුම් අරයද 2wd මොඩල් වලට සාපේක්ශව අඩු වේ. U turn හෝ විශාල හැරවුම් අවස්ථා වලදී සාපේක්ශව අපහසු වේ.

මෙම රථ, ගියර් 5ක මැනුවල් ගියර් පද්ධතියක් මෙන්ම, ගියර් 4ක ඔටෝමැටික් ගියර් පද්ධති සමගින් නිෂ්පාදනය කර ඇත. පිකප් එක ගැන කතා කරොත්, රියදුරුගේ හැකියාව මත මැනුවල් ගියර් වාහනය වැඩියෙන් පිකප් කල හැක. නමුත් වාහනයක් ඉස්සර කිරීමේදී වැනි අවස්තාවක හෝ කුඩා කන්දකදී වැනි අවස්තාවක O/D බටන් එක පාවිච්චි කිරීමෙන් ඔටෝ ගියර් වාහනය ඉක්මනින් පිකප් කරගත හැක.එවිට මීටර් පැනලය මත O/D off ලකුණ දිස්වන අතර ගියර් එකක් අඩුවී ඉක්මනින් පිකප් වේ.
(එය කොතෙක් උචිතදැයි නොදනිමි :))

O/D off අවස්තා වලදී රථයේ ගියර් පද්ධතිය අවසාන ගියරය දක්වා මාරු නොවන බැවින් ඒ සඳහා නැවතත් O/D on කරගත යුතුය.
3L එන්ජිමක් සහිත 2wd මැනුවල් වෑන් රථයක නගරබදව ඩීසල් ලීටරයකින් කිලෝ මීටර 10-11 පමණ ධාවනය කල හැකි අතර, දුර ධාවනයේදී එය 11+ වේ. ඔටෝමැටික් ගියර් සහිත නම් නගරබදව කිලෝ මීටර 9ක් පමණ වන අතර, දුර ධාවනයේදී 10 පමණ වේ.
5L එන්ජිම සහිත වාහන මෙයට මද වශයෙන් වැඩි ඉන්ධන පරිභෝජනයක් සිදු කරයි. මෙම දුර ප්‍රමාණය රියදුරුගේ හැකියාව හා විලාසය අනුව මෙන්ම වාහනයේ සහ එන්ජිමේ තත්වය අනුව වෙනස් වේ.

H100 series වෑන් රථ වල මූලික මාදිලිය, එනම් base model එක වන්නේ DX මාදිලියයි. මීට අමතරව GL සහ super GL වශයෙන් වෙනස් මාදිලි නිෂ්පාදනය කර ඇත. DX මාදිලියට වඩා වැඩිදියුණු කල සහ, නව පහසුකම් සහිතව මෙම මාදිලි නිපදවා ඇත. මේ රථ නිෂ්පාදනය කර ඇත්තේ අවම විශේෂාංග සහිතව භාණ්ඩ ප්‍රවාහනය වැනි කටයුතු සදහා බාවිතා කිරීමටයි.
එමෙන්ම මෙහි මගී ප්‍රවාහන කටයුතු සදහා අවශ්‍ය විශේෂ පහසුකම් සහිතව custom, super custom සහ grand cabin යන මාදිලි වලින්ද H100 මාදිලියෙ වෑන් රථ නිපදවා ඇත.එවායේ අමතර පහසුකම් ලෙස සන් රූෆ්,මූන් රූෆ් සහ ඉතා සුවපහසු ආසන මෙන්ම, පසුපස සස්පෙන්ශන් පද්ධති මගින් වැඩි සුවපහසුවක් මගීන්ට ලබා දේ. එමෙන්ම මේ වාහන සඳහා වැඩි බලයක් සහිත 1kz turbo diesel එන්ජින් යොදා ඇති අතර බොහෝ විට 4wd පද්ධතියකින් යුක්ත වේ.

ඩොල්පින් වෑන් රථ වල චැසි නම්බරය මුලට යෙදෙන ඉංග්‍රීසි අක්ෂර සහ ඉලක්කම් මගින් වෑන් රථය ගැන මූලික කරුණු කීපයක් පහසුවෙන් හඳුනාගත හැක.

1. චැසි නම්බරය ආරම්භ වෙන්නෙ LH*** ලෙස නම්, එමගින් අදහස් වන්නේ එම රථය නිෂ්පාදනය කර ඇත්තේ ඩීසල් එන්ජිමක් සහිතවයි.

2. චැසි නම්බරය ආරම්භ වෙන්නෙ RZH*** ලෙස නම් එමගින් අදහස් වන්නේ එම රථය පෙට්‍රල් එන්ජිමක් සහිතව නිශ්පාදනය කර ඇති බවයි.

3. ඉංග්‍රීසි අකුරු වලින් පසු පටන් ගන්නා මුල්ම අංකය වෙන්නේ 1 යි. එයින් අදහස් වන්නේ එම වාහනය Toyota HiAce H100 series වාහනයක් බවයි.
උදා:- LH103-*********

4. චැසි නම්බරයේ දෙවනි අංකය 0 නම් (උදා:-LH103) එයින් අදහස් වන්නේ එම රථය standard wheelbase රථයක්, එහෙමත් නැත්නම් අපේ විදියට නම් කොට මොඩල් වෑන් රථයක් බවයි. නමුත් 5L එන්ජිම සමඟ පැමිනෙන අවසාන භාගයේ ඩොල්පින් රථ වල දෙවනි අංකය 6 ලෙසද මෙම රථ පැමිණ ඇත. (උදා:-LH162)

5. දෙවනි අංකය 1 නම් (උදා:-LH113) එය long wheelbase, එහෙමත් නැත්නම් දිග මොඩල් වෑන් රථයක් වේ. LH113 යන මොඩල් කෝඩ් එක සමඟ flat roof වගේම high roof වෑන් රථද නිෂ්පාදනය කර ඇත. අවසාන කාලයේ 5L එන්ජිම සමග නිපදවූ ඩොල්පින් වෑන් රථ වල මොඩල් නම්බර් එක මැදට 7 ඉලක්කම සහිතයි. (උදා:-LH172)

6. දෙවනි ඉලක්කම විදියට 2 ඇතිනම් (උදා:-123) එය super long high roof වෑන් රථයක් (බේබි ග්ලාස් මොඩල්) වේ. දෙවනි ඉලක්කම 8 සමඟ නිපදවන ලද වෑන් රථ 5L එන්ජිමකින් යුතු විය. (උදා:-LH182)

7. තුන්වන ඉලක්කම විදියට තියෙන්නෙ 0 සිට 4 දක්වා අංකයක් නම් (උදා:-112) එම රථය rear wheel drive, නැත්නම් පසුපස රෝද මගින් බලය ලබාගෙන ධාවනය වෙන රථයක් වෙනවා.

8. ඒ වගේම තුන්වන ඉලක්කම 5 සිට 9 දක්වා අංකයක් නම් (උදා:-118) එම රථය four wheel drive, නැත්නම් සියලුම රෝද මගින් බලය ලබාගෙන ධාවනය වෙන රථයක් වේ.
Toyota HiAce H100 මාදිලියෙ වෑන් රථ කිහිපයක model numbers සහ විශේෂාංග කිහිපයක් පහතින් දැක්වේ.
+ LH series (Diesel Engine)
• (Standard Wheel Base – Rear Wheel Drive)
100 (Grand Cabin - 4inch longer chassis)
102 (2L engine)
103 (3L engine)
162
• (Standard Wheel Base – Four Wheel Drive)
108
109
168
• (Long Wheel Base – Rear Wheel Drive)

KZH110G
110 (Grand Cabin - 4inch longer chassis)
112 (2L engine)
113 (3L engine)
172 (5L engine)

• (Long Wheel Base – Four Wheel Drive)

118
119
178
179

• (Super Long High Roof – Rear Wheel Drive)

123
182
184

• (Super Long High Roof – Four Wheel Drive)

129
186
188

+ RZH series (Petrol Engine)
TRZ 110
RZH 102 (Standard Wheel Base)
RZH 112 (Long Wheel Base)
මේ මාදිලියෙ වෑන් රථ චීනයේද බොහෝ ජනප්‍රිය වූ බැවින්, චීනයේ Jinbei Motors, King Long Motors සහ Foton Motors යන ආයතන මගින් තවමත් මේ රථ නිෂ්පාදනය සිදු කරයි.

තමන්ගෙ වෑන් එකේ හරි,තමන් ගන්න හිතාගෙන ඉන්න වෑන් එකේ හරි විස්තර, ඒ කිවුවෙ වාහනේට කම්පැනි එකෙන් එවල තියෙන්නෙ ඔටෝ ගියර් බොක්ස් එකක්ද? මැනුවල් එකක්ද? වෑන් එක just low එකක්ද? වෑන් එක DX එකක්ද, GL හරි superGL හරි මොඩල් එකක්ද වගේ විස්තර බලාගන්න මේ ලින්ක් එකට ගිහින් වෑන් එකේ චැසි නම්බර් එක දීල සර්ච් කරන්න..

http://www.toyodiy.com/parts/q.html

අපගේ සමූහය සමග එකතුවීමට Leasing ගුරු Group Link

https://www.facebook.com/groups/526534431238259/?ref=share

03/06/2026

Post එකෙන් විස්තර බලන්න...

02/06/2026

අද දක්වා ධාවනය වන ලoකාවේ පැරණීත්ම බස් රථය..

IC- 2800

අවුරුදු එකයි මාස 06ක පමණ කාලයක් සම්පූර්ණයෙන්ම අලුත් වැඩියාවකින් පසූ ධාවනයට එක් කරන ලදි. (British Leyland)
1955 වර්ශයේ පමණ පලමූ ලියාපදිංචිය වූ අතර එතැන් පටන් අද දක්වා ධාවනය වන ලoකාවේ පැරණීත්ම බස් රථය මෙය වේ. මෙය දැනට ලoකා ජර්මාණූ කර්මික අභ්‍යාස ආයතනයට අයත් වේ..

10/02/2026

හරි පොතයි හොර පොතයි අඳුනගන්න.

වාහනයක පොතක් බලන්නේ කොහොමද?

ගොඩක් අය හිතාගෙන ඉන්නේ වාහනයක පොත හෙවත් ලියාපදිංචි සහතිකය බලන්න තමන් හොඳට දන්නවයි කියලයි. බලමු ඔබ කොච්චර දුරට හරිද කියලා. ගොඩක් අය පොතක් අරගෙන බලන්නේ අයිතිකරුගේ නම ලිපිනය, පරම අයිතිය, වාහනයේ නිෂ්පාදිත වර්ෂය, ලියාපදිංචිය වාගේ සරලම දේවල් විතරයි. ඔය ටික පොතේ මුද්‍රණය කරලම තියෙනවනෙ. ඕවා බැලූවා කියලා අපිට වාහනයේ නිරවුල් භාවය පිළිබඳව කිසිම නිගමනයකට එන්න බෑ. අපි වාහනයක පොතක් අරන් එහි අංක එකේ සිට සටහන් මෙහෙම බලමු.


ලියාපදිංචි කිරීමේ අංකය – කියලා දෙන්න ඕන නෑනෙ. කවුරුත් දන්නවනෙ.


⛔ චැසියේ අංකය

පොතේ තියෙන චැසි අංකයත්, වාහනයේ තියෙන චැසි අංකයත් පරීක‍ෂා කරන්න. චැසි අංකය වාහනයේ දෙතැනක තියෙනවා. එකක් චැසියේම කොටා තිඛෙන එකක්. ඒක තමයි කියවගන්න ඕනෑ. එහි අංකවල සුළු හෝ වෙනසක් තිඛෙනවා නම් මෝටර් ප්‍රවාහන දෙපාර්තමේන්තුවට යොමුකර නිරවුල් කරගන්නම ඕනෑ. බිංදුවට ඕ අකුර, නවයට පී අකුර, එක ට හතේ ඉලක්කම වාගෙ වැරදි පොතේ තියෙන්න පුලූවන්. ඒවා හදාගන්න ඕනෑ. 2004 වසරේ ලියාපදිංචි කළ බඩී වෑන්වල එහෙම වැඩිපුරම තියෙන්නේ චැසියේ මුල් කොටස විතරයි. දැන් මේකත් අපි හදාගන්න ඕනෑ.

චැසි අංක කොටන්න යන්න කවුරුහරි උපදෙස් දුන්නොත් හොඳවයින් දෙකක් කියන්න. ඒක නීති විරෝධීයි. එහෙම කොටලා තිඛෙන වාහන ගන්නත් එපා. දැන දැන ඇයි ප්‍රශ්ණවලට යන්නෙ?


⛔ වර්තමාන අයිතිකරු

“මම තමයි වර්තමාන අයිතිකාරයා” කිව්වට බෑ. ඔප්පු කරගන්න සාධක ඔබ සොයාගන්න. අයිඩී එක බලන්න. ලිපිනය බලන්න. හොරු ජාවාරම් කරන්නෙත් ඔය විදිහටම නිසා බොහොම කල්පනාවෙන් තේරුම් ගන්න වෙනවා. ඔහු විස්තර ඉල්ලද්දී මගහරිනවා නම්, හදිසි කරනවා නම්, කාර්ය බහුල බවක්ම පෙන්වනවා නම්, කේන්ති ගන්නවා නම්, ඔබත් එක්ක කතා නොකර කෝල් කර කරම ඉන්නවා නම් අතහැරලා එන එක තමයි හොඳ. ඔබ වියදම් කරන්න යන්නේ ලක‍ෂ ගණනක්. වරද්දා ගත්තොත් ගොඩ එන්න පුලූවන්ද?

ඒ වගේම ලිපිනය කියවලා බලන්න. මුහුදුබඩ ප්‍රදේශවල වැඩි කළක් පාවිච්චි කළ වාහන දිරා යාමේ ප්‍රවනතාව වැඩියි. දිරන්නේ අහුමුළු. ලිපිනය දැක්කහම දිරුම් ගැන වැඩිපුර බලන්න. වාහනයේ වර්තමාන හිමිකරු සමාගමක් බව පොතේ සඳහන් වෙනවා නම් පැවරුමට අදාලව තවත් අමතර ලියකියවිලි අවශ්‍ය වෙනවා. පැවරුම් ලේඛණවල එම්බෝස් සීල් හෙවත් තෙරපුම් මුද්‍රාව තිබිය යුතුයි. තෙරපුම් මුද්‍රාව භාවිත නොකරන සමාගමක් නම් ඒ බවට වෙනම ලිපියක් ඕනෑ. සමාගමේ ලියාපදිංචි සහතිකයේ පිටපතක්. ෆෝම් 48 හෝ ෆෝම් 20 ලේඛණය. මෙම පැවරුමට විරුද්ධ නොවන බවට මෝටර් රථ ප්‍රවාහන කොමසාරිස්ට සමාගම මගින් ලියනු ලබන ලිපිය.



⛔ පොත ඩුප්ලිකේට්ද?

කොන්දේසි/විශේෂ සටහන් – පොත ඔරිජිනල් දල ඩුප්ලිකේට්ද කියලා මෙතන තියෙනවා. පොත DUPLICATE නම් එක් දින පැවරුම් ලබා ගැනීම අසීරුයි. ඒ නිසා ලීසිං ගියොත් අයිතිකරුට චෙක් එක දෙන්නේ සාමාන්‍ය පැවරුමකට පස්සෙ. කාලය ගත වෙනවා. සමහර මුල්‍ය ආයතන ඩුප්ලිකේට් සහතිකය සහිත වාහනවලට ණය මුදල් අනුමත කරන්නේ නැහැ. හැබැයි ඩුප්ලිකේට් පොත් සහිත හොඳ තත්ත්වයේ වාහන වෙළඳපළේ අනන්ත හමුවෙනවා. ඒත් ඉහත ලියකියවිලි ගැටළු හින්දා වටිනාකම අඩුවෙන් ගන්නත් පුලූවන්. විකුණන්න වෙන්නෙත් එහෙමයි. මෙම වාහනය ගෙන්වලා තියෙන්නේ බදු සහන යටතේ නම් ඒ ගැන මෙතැන තියෙනවා. ඒ නිසා ලියාපදිංචි දිනය බලන්න. එතැන් පටන් අවුරුදු හතරක් හෝ පහක් යනතුරු පැවරුම කරන්න බැහැ. එක්කෝ පැවරුම කරනවා නම් බදු ගෙවන්න වෙනවා. ඕවා නොදැන ගත්තොත් කරදරයි.



⛔ ෆිනෑන්ස් තියෙන වාහනයක්ද?

පරම අයිතිකරු.- ලීසිං තිඛෙනවා නම් එක පාරටම බයවෙන්න එපා. ලීසිං අවසන් කළ බවට වන ඩිලීෂන් ලෙටර් එක තිඛෙනවද බලන්න. ඒ ලියුමේ තියෙන වාහන අංකයත්, ලීසිං සමාගමේ නාමයත්, මෝටර් ප්‍රවාහන කොමසාරිස්ට එඩ්රස් කළ ලියුමක්ද බවත් චෙක් කරගන්න.



⛔ එන්ජින් අංකය බලමු.

එන්ජින් අංකය හොයාගන්න ටිකක් අමාරුයි. ඒත් ඒකත් චෙක් කරලා ගැළපෙනවද කියලා බලලම ගත්තොත් තමයි හොඳ. එන්ජින් එකක් අලූතෙන් තියලා ආර්එම්වී එකේ රෙජිස්ටර් කරලා නැති වාහන තියෙනවා. ඒවා රෙජිස්ටර් කරගන්න ඕනෑ. එන්ජින් එක ගත්ත බිලත් ඉදිරිපත් කරන්න ඕනෑ. 7 සිට 28 දක්වා පොතේ මුද්‍රිත තොරතුරු කියැවීමෙන් වාහනයේ නිරවුල්භාවය සමබන්ධ නිගමනවලට එන්න සාධක නැහැ.



⛔ ඉන්ෂුවරන්ස් කන්ඩම් වාහනයක්ද?

පෙර අයිතිකරුවන් අතර රක‍්ෂණ සමාගමක නාමයක් දැක්කොත් හරි පරෙස්සමෙන්. හොඳට බලන්න. ඉතා කෙටි කලකින් රක‍්ෂණ සමාගම මෙම වාහනය නැවත පැවරීමක් කර තිබේ නම් දෙවරක් සිතන්න. මෙය ඉන්ෂුවරන්ස් කන්ඩම් කළ වාහනයක් විය හැකියි. දැඩි අනතුරුවල දී රක‍ෂණ සමාගම් එම වාහන වන්දි ගෙවා ලබාගෙන අඩු මුදලට විකුණා දමනවා. ඇත්තෙන්ම ඒවා නැවත අලත්වැඩියා කර

පාව්චිචියට සුදුසු ඒවා නොවෙයි. ඒත් අපේ සමහර අය එවැනි වාහන අඩු ගානට ගෙනත් හොයන්න බැරිවෙන්න හදලා විකුණා දමනවා. මෙවැනි අලත්වැඩියාවන්වල ආයුෂ අඩුයි. යළි යළිත් කැඩී යාම්, වෙනස් වීම් සිදුවෙනවා. වාහනය අනතුරු දායකයි. 19 සහ 27 – ලීසිං ගන්නවා නම් නිෂ්පාදිත වර්ෂයත්, පළමු ලියාපදංචියත් බලන්න.

මොකද ලියාපදිංචියෙන් වසරක් තුළ පවරන වාහනයකට දැන් ලීසිං ලබාගන්න පුලූවන් සියයට පනහක් විතරයි. ලියාපදිංචියෙන් වසරක් ඉක්ම ගිහින් නම් සියයට හැත්තෑවක් පුලූවන්. පොතේ අක‍්ෂර රටා ගලපා බැලීමල ලොට් අංක පිරික්සීම, පොත මුද්‍රණය කළ දිනය බැලීම ආදියෙන් යම් යම් නිගමනවලට එන්න පුලූවන් වෙන්නේ ඒ ගැන හොඳ දැනුමක් සහ නිරන්තර අධ්‍යයනයක් ඇති අයට විතරයි...

අපගේ සමූහය සමග එකතුවීමට..

https://facebook.com/groups/526534431238259/

ඔබට අපගේ Leasing ගුරු page එක මගින් දැනුමට යමක් එකතු කර ගැනීමට හැකි වී ඇතිනම් අපගේ Page එක Follow කිරීමට සහ Review එකක් දැමීමට අමතක නොකරන්න ( අහිංසක ඉල්ලීමකි..)

09/02/2026

ඔයා නිවසක් හදන්නද යන්නේ....

ලංකාවේ අපිට නිවසක කියන්නෙම සංස්කෘතික අංගයක් වගේ...
ඒ කියන්නේ සැමට නිවසක් වගේ සංකල්පයක් තියෙනවා ...හැමෝම උත්සාහ කරන්නේ කොහොම හරි තමන්ගෙම කියලා පැළක් හරි අටව ගන්න....🤝🤝❤️

හැබැයි ඔන්න ඔතනදී බහුතරයකට වරදින තැනක් තියෙනවා ...පටන් ගන්නේ පැලක් හරි කියලා...නමුත් ඇදගන්නේ මන්දිරයක්...මන්දිරයක් හදන්න තියෙනවා නම් හොදයි අවංකවම....

නිවසක් හදන්න පෙර මේ ටික බලන්නම ඕනේ.....

💎 මුලින්ම තමන්ට අවශ්‍ය ආකාරය පිලිබද සැලසුම් කරගන්න...අන්තර්ජාලය මගින් හෝ තොරතුරු ලබා ගන්න...මේක ටික කලක් වැය වෙන්න පුළුවන් ......මොකද විටින් විට වෙනස් කීරීම ඉල්ලන් කෑමක්...

💎හොද ගෘහනිර්මාණශිල්පියෙක් හමුවෙලා සැලසුම ග්ණ්න අදහස දෙන්න...මොකද ඒ සදහා යන වියදමට ලෝභ වෙන්න එපා..සැලසුම අනුව තමයි වැඩේ කොර නොවී කරගන්න පහසු වෙන්නෙ....

💎ඔහුට කියාසිටින්න තමන්ගේ අවශ්‍යතා වගේම ඒ සදහා දැරිය හැකි වියදම ගැන.....ලක්ශයක් මාසෙට ආදායම තියාගෙන කෝටියක ගෙයක් ඇදගත්තොත් කී කාලයක් හදන්නද.....

💎ඔයා කැමති නම් හොද නැකතක් හදාගන්න..ඒ ගැන විශ්වාස නැත්නම් ගැටලුවක් නෑ...මන් දන්න බහුතරයක් ධනවතුන් නම් වැඩ කරලා තියෙන්නෙ නැකත් අනුව....ඔවුන් ඒක ලෝකෙට කිව්වෙ නැති උනාට....

💎 ඔයාට මාසෙට යොදවන්න පුළුවන් මුදල ගනනය කරගන්න....කොටින්ම ඔයාගේ ආදායමෙන් සීයට පනහක් වගේ තමයි ඔයාට මේකට යොදවන්න වෙන්නෙ..සමහර විට ඊට යෙදවිය හැකි ප්‍රමාණය අඩු වෙනවා....

💎අනාගතයේ උපයන මුදල් ගැන සිහින මවාගෙන අත්තිවාරම දාගන්නම එපා....කොටි වල්ගේ අල්ලගත්තා වගේ...

💎හැමෝගෙන්ම නොව්නත් ගෙවල් හදපු අය කිපදෙනෙක්ගෙන් අත්දැකීම් අහලා දැනගන්න..භාණ්ඩ ගන්න ලාභදායි ස්ථාන ගැන වගේ....

💎වැදගත්ම දේ ගේ හදලා ඉවර කරන්න බලාපොරොත්තු වෙන වසර ගාන සහ වසරකට නිමාකරන දේ සටහනක් තබාගන්න...නැත්නම් ජීවිත කාලේම හද හද ඉන්න වෙයි...

💎ඒ වගේම මතක තියාගන්න ඔයා ඇස්තමේන්තු ක්ල මුදලට වඩා අවම තව සීයට 40 ක් වත් එයට එකතු වෙන බව.....

💎හොද කාර්මික ශිල්පීන් හොයාගන්න....වැඩ චාටර් කරන අය උනොත් ඔයාට ගෙවල් හැදිලි එපා කරවයි.....

💎ගේත් එක්කම ටික ටික ගෙමිදුල හදාගන්න plan කරන්න..එතකොට ගේ හදලා ඉවර වෙනකොට ගෙමිදුල ලස්සන වේවී.....

💎ඔයා ඔරලෝසුව බැදන හාමු වගේ ඉන්නේ නැතිව උදැල්ල අරන් ඔයත් වැඩේට බහින්න....

💎 ඒ වගේම ජිවීත කාලේම ඔයාට අතුපතු ගාලා,paint කරලා නඩත්තු කරගන්න පුළුවන් ප්‍රමාණයට හදාගන්න ...අනුන් එක්ක තරගෙට හදන්න එපා...

💎කැමති නම් වාස්තු වලට අනුව හදන්න....

💎නිවසේ කාමර ප්‍රමාණය ගැන සැලකිලිමත් වෙන්න...

ඉතින් ඔන්න වගේ කාරනා ගැන අවදානය යොමු කලොත් ඔයාගේ හීනෙට සීරුවෙන් අපූරුවට යන්න පුළුවන් .නැත්නම් ජීවිත කාලේම හද හද ඉන්න වෙයි...සමහර විට ඉතිරි බාගේ හදන්න වෙන්නෙ දරුවන්ට...අනික මතක තියාගන්න ඔයා හදන කැදැල්ලේ දරුවන් ඉන්නත් පුළුවන් ...යන්නත් පුළුවන් ...කොටින්ම කිව්වොත් තමන්ට පුලුවන් තරම් room එකයි,kitchen එකයි හරි කොටින්ම ගේකට ඇති....

✍️Himali Kolonne - උපුටාගැනීම

අපගේ සමූහය සමග එකතුවීමට..

https://facebook.com/groups/526534431238259/

ඔබට අපගේ Leasing ගුරු page එක මගින් දැනුමට යමක් එකතු කර ගැනීමට හැකි වී ඇතිනම් අපගේ Page එක Follow කිරීමට සහ Review එකක් දැමීමට අමතක නොකරන්න ( අහිංසක ඉල්ලීමකි..

09/02/2026

වාහනයේ ටයර් වල අක්ෂර වලින් කියවෙන දේ සහ වේගය පැයට කිලෝමීටර 100 ඉක්මවන විට එක් ටයරයක් පුපුරා යන විට මෝටර් රථයක් නැවැත්වීමට උපදෙස්

ඇරලා යන්න කලින් මේ පිළිබඳ දැනුවත් වෙන්න..

ආරක්ෂිත ගමනකට ඔබේ වාහනයේ ටයර් වල ආයු කාලය සහ උපරිම වේගය සඳහා සඳහන් කර ඇති ඉංග්‍රීසි අක්ෂරය දැන ගැනීම ඉතා වැදගත් වේ..

සෑම ටයරයකම සයිඩ් එකෙන් වේගය ශ්‍රේණිගත කිරීම L සිට H දක්වා අක්ෂරයකින් දක්වා ඇති බව ඔබ දන්නවාද?

මීට අමතරව, ටයරයේ ආයු කාලය පැත්තක ඉලක්කම් හතරකින් දක්වා ඇත, පළමු ඉලක්කම් දෙකෙන් නිෂ්පාදනය කරපු මාසය සහ අවසාන අංක දෙකෙන් නිෂ්පාදිත වර්ෂය දක්වයි. ටයරයක වලංගු භාවය සාමාන්‍යයෙන් නිෂ්පාදනය කළ දින සිට වසර දෙක තුනක් පමණ වන බව සැලකිල්ලට ගැනීම වැදගත්.

එමනිසා, අනතුරු වළක්වා ගැනීමට ඔබේ ටයර්වල අධික වේගයේ පීඩනයට ඔරොත්තු දිය හැකි බව සහතික කරගැනීම ඉතා වැදගත් වේ.

බොහෝ ටයර් පුපුරන්නේ වේගය වැඩි වීම නිසා වන අතර, ඔබේ ටයර්වල සඳහන් අකුර පරීක්ෂා කිරීමෙන් මෙය වළක්වා ගත හැක. සෑම ටයරයක්ම නිශ්චිතව වේගය ශ්‍රේණිගත කිරීමක් ඇත,

🔘 L අකුරෙන් අදහස් කරන්නේ උපරිම වේගය කිලෝමීටර 120 කි...

🔘 M අකුරෙන් අදහස් වන්නේ කිලෝමීටර 130 කි...

🔘 N අකුරෙන් අදහස් වන්නේ කිලෝමීටර 140 කි..

🔘 P අකුරෙන් අදහස් වන්නේ කිලෝමීටර 150 කි...

🔘 Q අක්ෂරයේ තේරුම කිලෝමීටර 160 කි...

🔘 R අකුරේ තේරුම කිලෝමීටර් 170 කි...

🔘 H අකුරෙන් අදහස් වන්නේ කිලෝමීටර 210 ට වැඩි යන්නයි.

ඔබේ ටයරයේ උපරිම වේගය සඳහා වන අක්ෂරය සහ Expire date පිළිබඳව දැනුවත්ව සිටීම ඔබටත් ඔබේ පවුලේ අයගේ ආරක්ෂාවටත් ඉතා වැදගත්...

තවද..,

වේගය පැයට කිලෝමීටර 100 ඉක්මවන විට එක් ටයරයක් පුපුරා යන විට මෝටර් රථයක් නැවැත්වීමට උපදෙස්

1. පළමු ඉඟිය:

ටයරයක් පුපුරා ගිය විට හැකි තරම් සන්සුන්ව සිටීමට සහ සුක්කානම රෝදය අත් දෙකෙන්ම තදින් අල්ලා ගැනීමට උත්සාහ කරන්න.

2. දෙවන ඉඟිය:

වැදගත්ම දෙය වන්නේ ඔබේ පාදය තිරිංග වලින් ඈත් කර තැබීමයි. තිරිංග පැඩලය දෙස නොබලන්න, ඒ ගැන සිතන්නවත් එපා.

3. තෙවන ඉඟිය:

ඔබේ ධාවන තීරුවේ රැඳී සිටිමින් එය වෙනස් නොකිරීමට හෝ කිසිවෙකුගේ මාර්ගයෙන් ඉවත් නොවීමට උත්සාහ කරන්න, හැකි තරම් සෘජු මාර්ගයක රැඳී සිටින්න.

4. හතරවන ඉඟිය:

ඔබේ මෝටර් රථයට අත් ගියර තිබේ නම්, ක්‍රමයෙන් පහත් මට්ටමකට වෙනස් කරන්න, නමුත් මෝටර් රථය සම්පූර්ණයෙන්ම පාලනය කර ඇති බව ඔබට හැඟේ නම් පමණක් එසේ කරන්න. ඔබේ මෝටර් රථයට ස්වයංක්‍රීය ගියර තිබේ නම්, ඩ්‍රයිව් (ඩී) ගියරයේ රැඳී සිටින්න. වෙනස් නොකරන්න.

5. පස්වන ඉඟිය:

තිරිංග භාවිතා නොකරන්න, පුපුරා ගිය ටයරයෙන් ඔබගේ වාහනය ඇදි යා හැක. මන්දගාමී කරයි.

6. හයවන උපදෙස්:

වේගය පැයට කිලෝමීටර 50 දක්වා පහත වැටෙන විට, මෝටර් රථය නතර වන තුරු ඔබට තිරිංග මෘදු ලෙස තද කළ හැකිය පණිවිඩය පතුරවන්න! ඔබට ජීවිතයක් බේරා ගත හැකිය...

අපගේ සමූහය සමග එකතුවීමට..

https://facebook.com/groups/526534431238259/

ඔබට අපගේ Leasing ගුරු page එක මගින් දැනුමට යමක් එකතු කර ගැනීමට හැකි වී ඇතිනම් අපගේ Page එක Follow කිරීමට සහ Review එකක් දැමීමට අමතක නොකරන්න ( අහිංසක ඉල්ලීමකි..)

07/12/2025

මේ වෙලාවෙ එලි‍යට ‍‍යනවනන් ගෙදර ති‍යෙන cash ටිකක් අරන් ‍යන්න!

Lankapay පැත්තෙ තාක්ශණික දෝශ‍යක් නිසා මේ වෙද්දි බැංකු බොහොම‍යක වගේ ( Update : සි‍යලුම බැංකු )

- බැංකු අතර Online Transactions කරන්න බැරි වෙ‍යි! හැබැ‍යි ඒ බැංකුවෙම තවත් account එකකට Transfer කරන්න ගැටලුවක් නෑ

- වෙනත් බැංකුවම ATM එකකින් සල්ලි ගන්න එක වැඩ කරන්නෙ නැති වෙන්න පුළුවන්

- Lankapay Cards වලින් සහ JCB card වලින් POS machine වල ගනුදෙනු කරන්න බැරි වෙ‍යි

හදිසි වැඩකට ගිහිල්ල ATM එකෙන් සල්ලි ගන්න බැරුව කරදර වෙනවට වඩා දැනගෙන ඉන්න එක හොඳ‍යි!

29/01/2025

වාහන ගැසට් එකට රැවටුනාද?

වාහන ආනයනය පිළිබඳ ඊයේ රජය ප්‍රකාශයට පත් කළ අංක 2421/04 ගැසට් එක කර්මාන්ත සඳහා (industrial purpose) මිස, පෞද්ගලික වාහන ආනයනයට අදාල නොවේ.

2020 දී වාහන ආනයනයට අදාල HS Code සියල්ලම තාවකාලිකව තහනම් කර තිබුණි. 2024 දී රනිල් වික්‍රමසිංහ රජය කාර්මික වාහන ආනයනය සඳහා අවසර ලබාදීමට තීරණය කළේය. නමුත්, එම තාවකාලික තහනම ඉවත් කිරීමේ ගැසට් පත්‍රය නිකුත් කර තිබුණේ නැත. රජය පසුගිය 24 දා තීරණය අරගෙන අංක 2421/04 අංකයෙන් ජනාධිපතිතුමා අත්සන් කර ඇත. වාහන ගේන ගැසට් එක යැයි දැන් සංසරණය වන්නේ ඒ ගැසට් එකය.

වැට්, සෙස්, පැල්, ආරක්ෂක බද්ද ආදී බදු වෙනුවට එන්ජින් ධාරිතාවය අනුව (වංචනිකව වෙනස් කළ නොහැකි ආකාරයට) නිෂ්පාදන බද්දක් හඳුන්වා දෙනු ලැබීය. එයට හේතුව CIF අගය මත ගණනයේ දී වංචා සිදු කිරීමයි. වාහන ආනයනයේදී ප්‍රධාන බදු මුදල් තීරණය වන්නේ එංජින් ධාරිතාව (CC) මත වන කොම්පොසිට් ටැක්ස් එකය.

හැබැයි යම් සීමාවකට (රු. ලක්ෂ 35ට වැඩි) ඉහළ වාහන සඳහා සුඛොපභෝගී බද්ද (සුපර් ලක්ෂරි ටැක්ස්) පැනවීම එයට අමතරව සිදුවිය. IMF කොන්දේසි අනුව සෑම වසරකට බදු මිල (රටේ පවතින උද්ධමනය, ආදී ආර්ථික සාධක මත) සංශෝධනයට යටත් කිරීමට තීරණය විය.

දැන් 2025 න් පසුව නව ගැසට් දෙකක් අච්චු ගසා ඇත. එකක් බදු සංශෝධන ගැසට් එක ය. දෙවැන්න, පසුගිය රජයේ තීරණය මත ඊයේ නිකුත් කළ ‘කාර්මාන්ත වාහන’ තාවකාලික තහනම ඉවත් කිරීමේ ගැසට් එකය.

ආණ්ඩුව මේ මොහොතේ පුද්ගලික වාහන ගෙන්වීමට තවමත් සලකා බලමින් සිටින්නේ මෙයට පෙර තිබූ බදු ක්‍රමයට අමතරව වැට් බද්ද ක් එකතු කරමිනි. මේ දෙකම අවසන් වරට වාහන ආනයනයට අදාල නොවීය.

මෙය ගණනය කරන්නට හදන්නේ තවත් සංකීර්ණ ක්‍රමයකට ය. CIF අගය මත දැනට ගහන සියළුම බදු එකතු කර, එයට CIF අගයට තවත් 10% ක් අගයක් එකතු කර එයට 18% ක වැට් බද්දක් පැනවීම අනිවාර්යයෙන්ම සිදු වේ.

මෙයට අමතර තවත් කුමන හෝ බද්දක් (උදා - කස්ටම් ඉම්පෝට් ටැක්ස් CID) ක් පැනවීම බොහෝ විට අපේක්ෂිතය. සමාජ ආරක්ෂණ දායකත්ව බද්ද (2.5%) අය කිරීමක් නොකර එයට වැඩි ආදායමක් ලැබෙන කුමන හෝ නමකින් ක්‍රියාත්මක වීමේ ඉඩ වැඩිය.

වාහන ආනයනය සඳහා ඩොලර් බිලියනයක මුදල් වැඩ කිරීමට රජය/මහබැංකුව සුදානම් වේ. ඒ නිසාම නව වාහන සඳහා අත්තිකාරම් ගෙවීමේ දී පරිස්සම් සහගතවීම වැදගත්ය.

රජය වාහන පුද්ගලික වාහන ආනයනයට අවසර ලබා දෙනු ඇත්තේ මේ සියළු බදු පිළිබඳ අවසන් තීරණය ලබා ගැනීමෙන් පසුවය. එතෙක්, කාර්, ඩබල් කැබ්, ජීප් ආදී පුද්ගලික වාහන ගෙන්වීමේ ‘තාවකාලික තහනම’ එලෙසම ක්‍රියාත්මක ය.

ආසන 25 ට වැඩි බස්, ආසන 10 සිට 16 දක්වා වෑන්, ඩබල් කැබ්, හා ලොරි යන වාහන ඛාණ්ඩ හතරක් හැර අනෙක් කිසිවක් තවමත් ආනයනයට අවසර නැත ................................

රජිත් කීර්ති තෙන්නකෝන්..
ගෙන් උපුටා ගැනීමකි....