09/03/2023
හරියට ඔයිල් මාරු කරමුද ?
එජින් ඔයිල්වල ප්රධාන කාර්යන් කීපයක් තියෙනව .ප්රදාන වශයෙන් ගත්තොත් එන්ජිමේ චලනය වන කොටස් ලුබ්රිකේට් කිරීම ,
ගෙවීම අවම කරවීම
ලොහ කොටස් මල බැඳීම වැලැක්වීම ලෝහ පෘශ්ඨ අතර මුද්රාවක් නැත්නම් සීල් එකක් විදියට ක්රියා කිරීම
සහ එන්ජිම සිසිලනය කරවීම විදියට ගන්න පුලුවන්.
ඒ ඒ එන්ජින් නිශ්පාදනය කරල තියෙන කාර්ය මත ,එමිශන් ස්ටෑන්ඩර්ඩ් මත එන්ජිමෙන් එන්ජිමට ඉහල කියපු කාරනා අඩු වැඩි වෙන්න පුලුවන්.
මේ වැඩේ සිද්ධ කරන්න එන්ජින් ඔයිල් වලට ඒ ඒ එන්ජින් වලට අදාලව යම් යම් ගුණාංග ඇතුළත් විය යුතු වෙනවා.මේ ගුණාංග මත එන්ජිමේ ආයු කාලය කාර්යක්ෂමතාවය සහ ඉන්ධනපරිභෝජනය කියන සාධක වෙනස් වෙනව.
එන්ජින් ඔයිල් එක තිබිය යුතු ගුණාංග මොනවාද
ස්නේහන ගුණය
එන්ජිමක චලනය වෙන කොටස් අතර ඝර්ශනය නිසා ඇති වෙන ශක්ති හානි ශබ්දය , තාපය වගේ ඉන්දන දහනයෙන් නිපදවුනු ශක්තිය අපතේ යන මාර්ග අවම කිරීම ස්නේහන ගුණය මගින් සිදු කෙරෙනව.
සිසිලන ගුණය
එන්ජිමක වෝටර් කූලින් සිස්ටම් එකකින් සෘජුවම කූල් කරන්න බැරි එන්ජිමේ අභ්යන්තර ක්රියාකාරි කොටස් කූල් කරන්න එන්ජින් ඔයිල් වල හොද කූලින් ඉෆෙක්ට් එකකුත් තිබිය යුතු වෙනව.ඒ මගින් අඩු ක්ලියරන්ස් මත ක්රියා කරන එන්ජින් කොටස් රත් වෙලා ප්රසාරනය වෙලා හිරවීම වලක් වනව.
පෙන සහ වායු බුබුලු වැලැක්වීමේ ගුනය.
එන්ජිමක් ඇතුලෙ යාන්ත්රික කොටස් ක්රියාත්මක වෙන කොට එන්ජින් ඔයිල් කැලැත්තෙනව ..ද්රවයක් කැළැත්තෙනකොට ද්රවයට තුලට වාතය කලවම් වෙලා ද්රවය ඇතුලෙ වායු බුබුලු හට ගන්නව..
සම්පීඩිත පද්දතියක් වෙන ස්නේහන පද්දතියෙ ඇතුලෙ වායු බුබුලු රැදුනොත් ඔයිල් පීඩනය නියතව තියා ගන්න බැරි වෙනව සහ ස්නෙහනය සිසිලනය හරියට සිදුකරන්න බැරි වෙනව. එමගින් එන්ජින් කොටස් වලට හානි වෙන්න පුලුවන්.
සේදුම් කාරක ගුණය
එන්ජින් ඔයිල් එකක සේදුම් කාරක ගුනයක් අනිවාර්යෙන් තිබිය යුතු වෙනව.එන්ජිම ක්රියාත්මක වීමේදී ඇතිවෙන කාබන් කොටස් සලජ් සහ වෙනත් සංයෝග එන්ජිම අභයන්තරය පුරාම ගමන් කරල එන්ජින් ඔයිල් මගින් සෝදාගෙන ඇවිත් ඔයිල් ෆිල්ටර් එකට එකතු කරන්නව.. එහෙම නොවුනොත් මිලි මීටරයකින් සීයෙන් පංගු දෙක තුනක ක්ලියරන්ස් වල ක්රියා කරන එන්ජින් බ්රෙයාරින් වලට හානි වෙන්න පුල්වන්.
මල කෑම වැලැක්වීමේ ගුණය..
එන්ජිමක් කියන්නෙ හයිඩ්රො කාබන් සහ වාතය දහනය මගින් බලය උත්පාදනය කරන යන්ත්රයක් නිසා දහනය කියන රසායනික ක්රියාවලියෙදී ඇතිවෙන රසායනික ප්රතිපල නිසා එන්ජිම තුල සුලුවශයෙන් හෝ අම්ල වර්ග භශ්ම වර්ග නිපද වීම සිද්ද වෙනව .මේ අම්ල හා භශ්ම නිසා ලෝහ කොටස් මල කෑමෙ සීග්රතාවය වැඩි වෙනව.ඒ නිසා මල කෑම අවම කරන එක එන්ජින් ඔයිල් සතු කාර්යක්.
දුශ්රාවිතාවී ගුණය
එන්ජින් ඔයිල් එකක් හැම විටම පීඩනයට හා කම්පන උරා ගැනීමට ගලා යාමේ යම් කිසි ප්රතිරෝදයක් තියෙන්න ඕන.ඒ කියන්නෙ යම් ආකාරයක ගනකමක් තියෙන්න ඕන.
උශ්නත්වය මත සංයුතිය වෙනස් නොවීමෙ ගුණය
අඩු උශ්නත්ව පරාස තුල ඔයිල් මිදීම වලක්වන්නත් ඕන ඉහල උශ්නත්ව මත වාශ්ප නොවී තියෙන්නත් ඕන වගේම රසායනිකව වෙනස් වීම අවම වෙන්න ඕන
ඔය වගේ ගුනාංග බොහොමයක් එන්ජිමට දාන ඔයිල් එකක තියෙන්න ඕන.නමුත් ඔය කියන එන්ජිමට අවශ්ය කරන සියලුම ගුනාංග ඔයිල් සාදන්න ගන්න මූලික බේස් ඔයිල් එකේ නැහැ.
එහෙනම් මේ මූලික බේස් ඔයිල් එකට ඔය කියන සියලුම ගුනාංග අන්තර් ගත වෙන්න බාහිරින් ආකලන ( additives) එකතු කළ යුතු වෙනවා...මේ විදිහට එකතු කරන ආකලන මත ඔයිල් වල ගුණාත්මකතාවය අඩු වැඩි වෙනවා..
මූලිකවම එන්ජින් නිශ්පාදකයා විසින් තමන්ගෙ එංජිමේ අවශ්යතාවයන් අනුව එන්ජිමට සුදුසු ඔයිල් එකක් නිර්දේශ කරනවා.මේ නිර්දේශ කරන ඔයිල් එක ඒ එන්ජිමේ සියලුම අවශ්යතාවන්ට වඩාත්ම සුදුසු වගේම ඒ වෙනුවෙන්ම නිපදවන ඔයිල් එක වෙනව වගේම මේ ඔයිල් එක වැඩි කිලෝමීටර් ගානක් භාවිතා කරන්නත් හැකියාව ලැබෙනව..
හේතුව ඉන්දන වායු මිශ්රණය දහනයේදී අදාල එන්ජිමට එකතු වෙන අහිතකර ද්රව්ය මොනවාද යන්න හරියටම හඳුනගෙන එම අපද්රව්ය පිරිසිදු කරන්න අවශය ආකලන නිවරදීම ප්රමානයට එකතුකරල අනිකුත් අවශ්යතාවයන්ට සරිලන ලෙස මේ OEM ඔයිල් එක නිෂ්පාදනය කරලා තියෙන නිසා..
උදාහරණ විදිහට ගත්තොත්
VW 50101 -
ලෝ පෆෝමන්ස් එන්ජින් සඳහා මල්ටිග්රේඩ් පෙට්රල් එන්ජින් ඔයිල්
(replacement interval 15000km or 1 year)
VW 50200 -
හයි පෆෝමන්ස් එන්ජින් සඳහා මල්ටිග්රේඩ් පෙට්රල් එන්ජින් ඔයිල්
(replacement interval 15000km or 1 year)
VW 50500 -
ටර්බෝ චාජ් සහිත හා රහිත එන්ජින් සඳහා මල්ටිග්රේඩ් ඩීසල් එන්ජින් ඔයිල්
Porsche A40 -
මල්ටිග්රේඩ් ඔයිල් පෙට්රල් එන්ජින් සඳහා
Porsche C30 -
මල්ටිග්රේඩ් ඔයිල් ඩීසල් එන්ජින් සඳහා..
වහන නිශ්පාදකයින් විසින් තමන්ගේ වාහන වලට සුදුසුම ඔයිල් මේ විදියට එන්ජින්වල අවශ්යතාවයන්ට අනුව නිර්දේශ කරල තියෙනව.
නමුත් සමහර අවස්ථාවල වාහන වලට නිෂ්පාදකයා අනුමත කරන ඔයිල් සොයා ගැනීමට අපහසු වීම නිසාත් තාක්ෂණික ලෝකයේ දියුණුවත් සමග තාමත් අධික ලෙස මෝටර් රථ නිෂ්පාදනය වැඩි වන විට ඔයිල් සඳහා ඇති ඉල්ලුම පිරවීමට ඔයිල් නිෂ්පාදනය කරන තවත් පාර්ශවයන් ක්ෂේත්රයට අවතීර්ණ වෙන්න උනා..
මේක එකතු උන ඔයිල් නිෂ්පාදකයින් හට ඇතිවෙච්ච ප්රධාන ප්රශ්නයක් තමයි තියෙන වාහන මාදිලි විශාල ප්රමාණයකට ඒ ඒ මාදිලියට අදාල වෙන වෙනම ඔයිල් වර්ග විශාල ප්රමාණයක් නිෂ්පාදනය කරන්නට සිදුවීම ප්රායෝගිකව අමාරු වෙච්ච එක.
මෙතනදී එන්ජින් ඔයිල් වල ගුණාත්මකතාවය සහ බාවිතය සඳහා යම්කිසි සම්මත කරණයක් අවශය උනා.
මේ සම්මත කරන ඇති වුණාට පස්සේ නිශ්පාදකයා විසින් තමාගේ වාහනයට වඩාත්ම සුදුසු නිර්දේශ කරන ඔයිල් එක වගේම සම්මත කරණයට අදාලව තමන් නිශ්පාදනය කරපු එන්ජිමට දැමිය යුතු ඔයිල් වල තිබිය යුතු අවම ගුණාත්මකතාවය සහ වර්ගීකරන අකුරු සහ අංක මගින් ඉදිරිපත් කලයුතු උනා..
උදා - ( SAE 15W 40 / API CI4/SL - E7)
ඔයිල් නිශ්පාදක සමාගම් මේ සම්මතකරනවලට සහ වර්ගීකරන වලට අදාලව ඔයිල් නිපදවන්න පුලුවන් උන නිසා එන්ජින වලට අවශ්ය අවම සුදුසු කම සහිත හෝ ඊට ඉට වඩා ඉහල සුදුසුකම් වලින් යුත් ඔයිල් වෙලදපලට නිකුත් කරපු නිසා
වාහන හිමිකරුවන්ට තමන්ගෙ වහන වලට පහසුවෙන් සුදුසු ඔයිල් එක තෝරාගන්න හැකියාව ලැබුනා...
මේ සම්මතකරනයන් වලදී මූලිකව
• SAE (Society of automotive engineers)
• ACEA (Association of europen engine manufacturers
• HTHS (High temperature high shear viscosity)
• API (American petroleum institute)
•JASO (Japenese automotive standards organization)
• ILSAC (Lubricants standardization and approval committee)
යන ආයතන වල නිර්දේශයන්ට අනුව ඔයිල් වර්ග කිරීමට ඉලක්කම් හා අකුරු භාවිතා කරල ඔයිල් වල ප්රධාන විස්තර ඉදිරිපත් කරන්න හැකියාව ලැබුන..
මේ නිසා එන්ජින් නිශ්පාදකයා නිර්දේශ කරන ,අන්තර්ගත ආකල මත මිල අදික එන්ජිමට අදාලම ඔයිල් එක නැති උනත් එන්ජින් නිශ්පාදකයාගේ අවම නිර්දේශයට අදාල ඔයිල් එකක් වෙලදපලෙන් ලබා ගන්න වහන හිමිකරුවන්ට හැකි උනා..
නමුත් මේ ඔයිල් වල ඔයිල් ආකලන වර්ග සහ ප්රමානය පොදුවේ බහුතර එන්ජින් වලට අදාලවල යොදා තියෙන නිසා සමහර එන්ජින් වලට ඇතැම් ආකලන ප්රමානවත් වෙන්නත් සමහර එන්ජින් වලට මේ ආකලන මදි වෙන්නත් සමහර එන්ජින් වලට මේ ආකලන වැඩි වෙන්නත් පුලුවන් නිසා .එන්ජින් නිශ්පාදකයා නිර්දේශ කරපු OEM ඔයිල් එක භාවිතා කරන්න පුලුවන් සෙර්විස් ඉන්ටර්වල් එක මේ ඔයිල් වලින් සපුරාගැනීමට නොහැකි වෙන අවස්තා තියෙන්න පුලුවන්.
හේතුව එන්ජින වලට Turbo charger, DPF Filter , EGR system , compression ratio, sulfer content, වගේ පද්ධති ඇතුලත් වෙනකොට ඒ පද්දති වල ක්රියා කාරිත්වය නිසා ඇති වෙන සංයෝග හා සංගටක උකහා ගැනීමට OEM ඔයිල් වල අදාල එන්ජිම වෙනුවෙන්ම ඊට අනුකුල ආකලන ඇතුලත් කරල තිගෙන නිසා..
OEM ඔයිල් එක වැඩිකිලෝමීටර ගානක් භාවිතා කරන්නත් යම් යම් සම්තකරන යටතේ නිපදවෙන ඔයිල් වලින් නිශ්පාදකයාගේ අත්පොතේ සදහන් කිලෝමීටර ගාන දුවන්න බැරිවෙන්නත් ඕක ප්රධාන හේතුවක් වෙනව.
ඒ වගේම වෙලඳපලේ තියෙන එක් එක් ඔයිල් බ්රෑන්ඩ් සහ මාදිලි විවිද මිල ගනන් යටතේ අලෙවිවෙන්නත් ඒ ඔයිල් නිශ්පාදකයින් පාවිච්චි කරන ආකලන හේතු වෙනව..
ඔයිල් වර්ග සහ ඒවයේ යෙදීම් ගැන තවත් ලිපියකින් කතා කරමු..
මේ දවස් වල වෙලදපොලේ ඔයිල් වල ගාන එක්ක වහනේ ඔයිල් මාරුකරනවද නැද්ද කියල දෙගිඩියාවෙන් ඉන්නව නම්.. ඩීසල් සහ පෙට්රල් එන්ජින් වලට අදාල සුදුසුම නිර්දේශය සහිත ඔයිල් එක තෝරාගෙන වෙලපලේ මිලට සාපේක්ශව අඩුම මිලට හොදම ඔයිල් එක දාල ඔබේ වටිනා වහනේ එන්ජිම සර්විස් කර ගන්න ගමන් සර්විස් එකකදි කලයුතු අනිකුත් සියලුම දේ විශ්වාසවන්තව ගුණාත්මකව සිදු කර ගන්න ..Revtechtuners ආයතනයෙන් අදම වෙලාවක් වෙන් කර ගන්න...
මේ අසීරු අවස්තාවෙ අපි ඉන්නව ඔබේ මෝටර් රතයෙ එන්ජින් කාර්යක්ශමතාව සහ පැවැත්ම වෙනුවෙන්..
Vehicle trouble diagnosis and repair
