27/09/2026
🚨 ඔක්ෂන් ෂීට් වංචා (Auction Sheet scam) වලට ඔබත් අහු වුණාද? ජපානෙන් වාහනයක් ගන්න කලින් මේ කතාව අනිවාර්යයෙන්ම කියවන්න! 🚨
(මේක මනඃකල්පිත කතාවක් නෙමෙයි, ඇත්තටම වුණු සිදුවීමක්!)
වාහනයක් ගන්න හොයනකොට හැමෝටම එන ලොකුම ප්‍රශ්නයක් තමයි "මොකක්ද මේ Auction Sheet එකක් කියන්නේ?" කියන එක.
කෙටියෙන්ම කිව්වොත්, ජපානේ වාහන වෙන්දේසියකට (Auction එකකට) වාහනයක් දාන්න කලින්, එහේ ඉන්න ස්වාධීන පරීක්ෂකවරු වාහනේ තත්ත්වය, ඇක්සිඩන්ට් වෙලාද, හීරිලාද, මීටරේ දුවපු ගාණ කීයද කියලා හොඳට බලලා දෙන නිල සහතිකය තමයි මේ Auction Sheet එක. ඒකෙන් වාහනේ තත්ත්වයට අදාළව Grade එකක් (උදා: 4.5, 3.5, R) දෙනවා.
එතකොට "ඔක්ෂන් ෂීට් තියෙන වාහනයි, නැති වාහනයි" කියන්නේ මොනවාද?
සරලවම ජපානෙන් වාහනයක් ලංකාවට ගේන්න ප්‍රධාන ක්‍රම දෙකක් තියෙනවා කියමුකෝ, එකක් අර කිව්ව වගේ වෙන්දේසියකින් (Auction) ගන්න එක. අනිත් එක ජපානේ තියෙන සේල් එකකින් හරි Dealer කෙනෙක්ගෙන් හරි කෙලින්ම ගන්න එක (මේවට කියන්නේ Dealer Units කියලා).
Dealer කෙනෙක්ගෙන් කෙලින්ම ගත්තොත් ඒ වාහනේ වෙන්දේසියකට දාලා නැති නිසා Auction Sheet එකක් එන්නේ නෑ. හැබැයි එහෙමයි කියලා ඒක නරක වාහනයක් කියන එක නෙමෙයි ඒකෙන් අදහස් වෙන්නේ.
නමුත්, දැනට ලංකාවේ වෙළඳපොළට එන වාහනවලින් බහුතරයක්ම මිලදී ගෙන තියෙන්නේ Auction හරහායි.
Auction හරහා එන වාහනයක Auction Sheet එකක් අනිවාර්යයෙන්ම තියෙන නිසා, ඒ වාහනේ ගැන තියෙන විශ්වාසවන්තභාවය ගොඩක් වැඩියි. ඇත්තටම මේ Auction Sheet එක, පාරිභෝගිකයාගේ වගේම වෙළෙන්දාගේ කියන දෙන්නගේම විශ්වාසය තහවුරු කරන්න ගොඩක් ලොකු හේතුවක් වෙනවා.
ඒත්, ලංකාවේ ඉන්න සමහර කූට වෙළෙන්දෝ මේක පාවිච්චි කරන්නේ අමුම අමු හොරකමකට! කොහොමද ඒක කරන්නේ කියලා මම කියන්නම්.
අපි මේ කතාවට යමු. මේක අනුරාධපුරේ ඉඳලා, දැනට පිටරටක සේවය කරන අපේ "Mr. X" ට වුණු ඇත්තම සිදුවීමක්.
Mr. X ට ඕනේ වුණා ලංකාවේ ඉන්න එයාගේ පවුලේ අයගේ පාවිච්චියට ඉක්මනටම සුදු පාට Nissan Dayz X එකක් ගන්න. ජපානෙන් වාහනයක් import කරගන්න තරම් වෙලාවක් එයාට තිබ්බෙ නැති නිසා, එයා තීරණය කරා ලංකාවේ තියෙන කාර් සේල් වලින්ම වාහනයක් ගන්න. එයා අපිට කතා කරලා ඉල්ලීමක් කරා, "මට ලංකාවෙන් වාහනයක් ගන්න ඕනේ, මම තෝරගත්ත වාහනයක් තියෙනවා, ඒවයේ ඔක්ෂන් ෂීට් ටික හරිද කියලා පොඩ්ඩක් චෙක් කරලා දෙන්න පුළුවන්ද?" කියලා.
එතකොට එයාට අත්දකින්න වුණු දේවල් ටික ඇහුවාම ඔයාලටත් තේරෙයි අද ලංකාවේ වාහන මාකට් එකේ යන අමු තිත්ත ඇත්ත.
1. පළවෙනි අත්දැකීම -
මෙතනින් Mr. Xට කියලා තිබ්බා "මේක ජපානේ ඩීලර් කෙනෙක්ගෙන් ගත්ත වාහනයක් (Dealer Unit), ඒ නිසා මේකට ඔක්ෂන් ෂීට් නෑ" කියලා. විශ්වාස කරන්න JEVIC සහතිකේ ෆොටෝ එකකුත් එවලා තිබ්බා. හැබැයි අපි වාහනේ Chassis Number එකෙන් ජපාන සයිට් වල චෙක් කරලා බැලුවාම තමයි දැක්කේ... මේක ඔක්ෂන් එකකින්ම ගත්ත, දකුණු පැත්තම හොඳටම හැප්පිලා රිපෙයාර් කරපු Grade R වාහනයක්! "ඔක්ෂන් ෂීට් එක නෑ, මේක ඩීලර් යුනිට් එකක්" කියලා බොරුවක් ගහලා තියෙන්නේ මේ ඇක්සිඩන්ට් එක වහන්නයි.
2. දෙවෙනි අත්දැකීම -
මෙතනින් නම් Mr. Xට ලස්සන Grade 4.5 ඔක්ෂන් ෂීට් එකක්ම එවලා තිබ්බා. බැලූ බැල්මට කිසිම අවුලක් නෑ. ඒත් ඒකත් ඔන්ලයින් චෙක් කරාම අහු තේරුනා මේ එකේ අය ෆොටෝෂොප් (Photoshop) වලින් 3.5 Grade එක 4.5 කරලා කියලා!
3. තුන්වෙනි අත්දැකීම -
මෙතන අඩුවට තියෙනවා කිව්ව Grade 4.5 වාහනයක්, කිලෝමීටර් 1000ක් විතරක් දුවපු වාහනයක් උනත් අපි චෙක් කරලා බැලුවා. බලද්දී... ඒකත් ඉස්සරහා හොඳටම හැප්පිලා body parts replace කරපු Grade R වාහනයක්.
අන්තිමේදී වාහන කිපයක්ම බලලා නියම තත්ත්වේ තියෙන Grade 6 වාහනයක් හොයාගන්න පුළුවන් වුණත්, මේ දේවල් දැකලා Mr. X සෑහෙන්න කලකිරුණා සහ අපිත් එක්ක සෑහෙන්න කතා කලා මේ මිනිස්සුන්ගේ වංචාවල් ගැන.
මීට කලිනුත් වාහන ගන්න ගිය හිතවත් කීප දෙනෙක්ටම Auction Sheet එක චෙක් කරලා දීලා මේ වගේ වංචාවලින් බේරෙන්න අපි උදව් කරලා තියෙනවා. හැබැයි, එකම කෙනෙක්ට මේ විදිහට එක දිගට වංචා කරපු වාහන කීපයක්ම හම්බවුණු පළවෙනි වතාව තමයි මේක.
ළඟදි ප්‍රසිද්ධ ආයතනයකින් Vezel Z Play එකක් ගත්ත කෙනෙකුටත් මේකම වුණා. වාහනේ ඩෑෂ්බෝඩ් එකේ ඇණ පළුදු වෙලා තියෙනවා දැකලා පුතාට ආපු සැකේකට වාහනේ Chassis Number චෙක් කරගත්තාමයි දැක්කේ, 25,000ක් දුවපු වාහනේ මීටරේ 4,000ට වෙනස් කරලා කියලා!
Auction Grade 4.5 වගේ හොඳ තත්ත්වයේ තියෙන, හැබැයි ගොඩක් දුවපු වාහන අඩුවට ගෙනල්ලා, මීටරේ අඩු කරලා 'මේකට ඔක්ෂන් ෂීට් නෑ' කියලා ලොකු ගාණකට විකුණන මාෆියාව අද ලංකාවේ ජයටම ක්‍රියාත්මකයි.
ඇත්තටම හැප්පුණු වාහනයක් හරි, දුවපු වාහනයක් හරි විකුණන එක වැරැද්දක් නෙමෙයි. ඒක ගන්න කෙනාට ඇත්ත කියලා ඊට සරිලන අඩු ගාණකට දෙනවා නම් කිසිම ප්‍රශ්නයක් නෑ. ඒත් මේ කරන්නේ මිනිස්සුන්ව රවට්ටලා, හොර ලියකියවිලි හදලා අසාධාරණ විදිහට ලාභ හොයන එකයි. මොකද දැන් වෙලඳපලේ තියන පොඩිම Unregistered වාහනයක් උනත් ලක්ශ 60න් උඩ මුදලකට විකිනෙන නිසා.
තමන්ටම කියලා ජපානෙන් වාහනයක් කෙලින්ම Import කරගන්න එකේ ලොකුම වාසිය තියෙන්නෙත් මෙතනමයි. මේ වගේ වංචාවකට අහු වෙන්නේ නැතුව විශ්වාසයෙන් යුතුව නියම තත්ත්වේ තියෙන වාහනයක් ගෙන්න ගන්න ඒකෙන් පුළුවන්. සමහරු අපිට කියනවා, 'අයියෝ, ඔයාලා ගෙන්නන ගාණටම මෙහෙනුත් ගත්තැකිනේ' කියලා. ඔව්, ඒ ගාණටම (සමහරවිට ඊටත් අඩුවට) මෙහේ වාහන තියෙනවා තමයි 🫠
විශේෂ මතක් කිරීමක්: 🙏
ගොඩක් අය අපෙන් අහනවා "මුදල් ගෙවලා අපිට මේ වාහන වල ඔක්ෂන් ෂීට් චෙක් කරලා දෙන සේවාවක් කරන්න පුළුවන්ද?" කියලා. මේකෙදි මතු වෙන විවිධ ප්‍රායෝගික ගැටලු සහ ප්‍රශ්න නිසා, අපි මුදල් අරගෙන ඔක්ෂන් ෂීට් චෙක් කරලා දෙන සේවාවක් කරන්නේ නෑ.
හැබැයි, ඔයාලටම තනියම වාහනේ Chassis Number එකෙන් මේ දේවල් ලේසියෙන්ම චෙක් කරගන්න පුළුවන් විදිහ අපි පහළින් දාලා තියෙනවා. කොච්චර ලස්සනට කතා කරත්, ලස්සන කොළ පෙන්නුවත් පිළිගන්න එපා. අනිවාර්යයෙන්ම රුපියල් දෙදාහක් තුන්දාහක් වියදම් කරලා ඔයාලම ඔන්ලයින් චෙක් කරලා බලන්න. ඒක ඔයාලගේ දාඩිය මහන්සියෙන් හම්බකරන සල්ලි වලට කරන ලොකුම සාධාරණේ.
👇 තනියම මේ දේවල් චෙක් කරගන්නේ කොහොමද කියලා අපි කලින් දාපු පෝස්ට් මෙතනින් බලන්න:
🔗 Chassis Number එකෙන් වාහනයක් ඔන්ලයින් Check කරගන්නේ කොහොමද?
https://web.facebook.com/share/p/19eeZ8tPVn/
🔗 Auction Sheet එකක් දැක්කාම ඒකේ තියෙන දේවල් හරියට තේරුම් ගන්නේ කොහොමද?
https://amarasingheprime.lk/blog/How-to-read-a-Japanese-Auction-sheet-sinhala
මේ පෝස්ට් එක යාළුවෙක්ටත් බලන්න අනිවාර්යයෙන්ම Share කරන්න! වාහන ගැන මේ වගේ හැමෝටම වැදගත් වෙන, ඇත්තම දේවල් ඉස්සරහටත් දැනගන්න අපේ පේජ් එක Follow කරලා තියාගන්න! 😊
අන්තිමට මේ ටිකත් කියන්නම ඕනේ. අපි මේ වගේ පෝස්ට් එකක් දාන්නේ කාගෙවත් බිස්නස් කඩන්නවත්, 'අපි තමයි හොඳම' කියලා කියන්නවත් නෙමෙයි. ලංකාවේ ඕනෑ තරම් ඉතාමත් අවංකව, සාධාරණව වාහන වෙළඳාම කරන සේල් මහත්වරු ඉන්නවා. හැබැයි ඒ අතරේ මේ වගේ කූට දේවල් කරන අයත් ඉන්න නිසා අපි හැමෝම පරිස්සම් වෙන්න ඕනේ.
අපේ එකම අරමුණ,
මේ අමාරු කාලේ අවුරුදු ගාණක් ණය ගෙවන්න බලාගෙන, තමන්ගේ මුළු ජීවිතේම ඉතුරුම් ටික යටකරලා වාහනයක් ගන්න යන මනුස්සයෙක් මේ වගේ උගුලකට අහුවෙලා අමාරුවේ වැටෙන එක නවත්තන එක විතරයි.
ඔයාලටත් කිසිම බයක් සැකයක් නැතුව, 100% ක් විශ්වාසයෙන් ඔයාලගේ නමටම Personal import එකක් හරි, නැත්නම් අපේ සමාගමේ නමට හරි කෙලින්ම ජපානෙන් වාහනයක් Import කරගන්න ඕනේ නම් අපිට කතා කරන්න.
📞 Call: 0769447740
💬 WhatsApp: 076 944 7740
🌐 Web: www.amarasingheprime.lk
📧 Email: [email protected]
👥 Join our WhatsApp Community: https://chat.whatsapp.com/BMwBjIt4OGILj5HrmcxO5R
𝗔𝗺𝗮𝗿𝗮𝘀𝗶𝗻𝗴𝗵𝗲 𝗣𝗿𝗶𝗺𝗲 𝗘𝗻𝘁𝗲𝗿𝗽𝗿𝗶𝘀𝗲𝘀
Your Trusted Automobile Partner
