TopGear HK 極速誌

18/09/2026

｜灣仔新開汽車cafe咩來頭？｜

5月尾開業嘅Cafe Machinna，每次行過都有唔同嘅靚車同賽車放出嚟，究竟呢啲車係咪堅㗎？除咗車仲有乜睇？幾時換一次車？一於就入去訪問下佢哋先。

#名車 #跑車

16/09/2026

｜萬事得首部純電房車Mazda 6e快試｜

萬事得同長安汽車合資生產嘅純電動房車Mazda 6e，國產技術注入日系調校，會唔會有另一番新體會？立即同大家速試。

#電動車 #日本車 #國產車

11/09/2026

｜德日意豪車齊到港 各有豪法一文睇晒｜

Ferrari Luce
$899萬起嘅佢除咗個樣，仲有咩話題？首先見到前後懸長好短，希望彎路性能會超勁啦。另外前23後24吋輪圈非常嚇鬼，可以預計車廂為咗避開輪拱，副駕前面嘅地台變得幾斜，行李箱左右兩邊空間都會窄啲。仲發現後排座墊一樣偏斜，相信可以解決電動車座椅較矮，令大腿欠承托嘅常見問題。至於車廂周圍有好多實體掣，但擺位同設計與一般汽車都幾唔同，此外冷氣風口仲係全手動。最後問題：十年後舊電打柴點算呢？車廠話全車所有部件都係in-house生產，所以一樣有電換㗎。

Mercedes-Maybach S-Class
全新Mercedes-Maybach S 580同S 680正式到港，奢華程度有咩升級？外觀方面先有數唔盡嘅Maybach徽章同直立平治星徽，鬼面罩加大20%兼可選發光邊框，跟返呢個年代流行嘅設計。後座維持頭等艙規格，有43.5度斜躺按摩座椅、Burmester 4D音響、可選配冰箱連鍍銀香檳杯及後座屏幕連娛樂系統。仲有中控14.4吋MBUX Superscreen兼生成式AI助手加持，令呢個豪華「客廳」更加智能。動力方面S 680同S 580都搭載V8輕混能(612匹及537匹)，但就並冇引入V12版本。價錢分別係$392萬同$339萬起，老闆們會點揀呢？

Lexus ES
第8代登場，今次引入咗ES350h混能、ES350e純電前驅及ES500e純電四驅。外觀靈感源自LF-ZC純電概念車，車長5,145mm軸距2,950mm，比例修長，氣勢與德系對手相約。內櫳設計偏向簡約優雅，但原來內有乾坤，門壁木紋飾件原來可以發光(純電版獨有)，與一般氣氛燈大有分別，仲有中控屏下方嘅皮革面板同軚盤上都有Responsive Hidden Switches感應式隱藏按鈕，當手指伸到埋去先會著燈，唔講唔知原來有實體掣喺度，感覺豪華之餘仲有科技感。大家最關心嘅售價係混能版350h要大約$58萬，純電版350e約$73萬同頂版500e約$83萬。動力及操控就留返試車再同大家詳談喇。

07/09/2026

｜係咪長就代表好？｜

▶️即睇iX1 L後座空間+駕駛感：https://youtu.be/qmJwjEm4xEc

BMW iX1 L比起標準版長咗116mm，咁車廂空間實際坐落有幾大？原來似X系喎！揸落呢？似Y系。X同Y代表咩？睇片就有答案。

｜BMW iX1 eDrive20L M Sport規格表｜
輸出：150kW/250Nm
體積：4,616 x 1,845 x 1,616mm
續航：458-539km (WLTP)
售價：$469,900(意向價)
車保參考：三保由 HK$1,280* 起 / 全保由 HK$7,680* 起

如果想了解自己的實際車保報價，可以直接到 Kwiksure 快而保輸入車輛及司機資料，查看適合的汽車保險選項。

其他車保報價：
https://kwiksure.com/zh/landing/motor4/?referrer=top-g-mingpao/
港車北上車保報價：
https://www.kwiksure.com/zh/quote/hzmb-details/?referrer=top-g-mingpao/

*以上 BMW iX1 eDrive20L M Sport車保報價由 Kwiksure 快而保於2026年9月7日提供，僅供參考。實際保費會因應車輛型號、車齡、司機資料、駕駛經驗、無索償折扣（NCD）、意外及扣分紀錄等因素而有所不同。最終報價、保障範圍、墊底費及承保條款，須以正式報價及相關保單內容為準。

#長陣版

BMW iX1 L比標準版iX1長116mm，大部分增幅來自軸距。究竟長陣版室內空間增加顯著嗎？駕駛感又有否因為車長增加而有所犧牲？編...

07/09/2026

｜無軚盤無司機 Cybercab的士香港現身｜

Elon Musk曾預言未來汽車冇軚盤，如今他就用Tesla Cybercab自我兌現，嚮美國有得call，至於香港就有得睇。

呢架的士唔單止係全自動駕駛，乘客用手機app call車同上車時會實現手機自動連線，可以控制車門、座椅、空調及娛樂系統。打開尾冚，超過570公升嘅行李箱直情係SUV級數，不過就犧牲咗後座，只供二人同行，另外記得除導盲犬外，嚮美國係唔歡迎寵物上車㗎。

Tesla強調佢嘅安全指數不下於Model 3等車款，有特大撞擊緩衝區，但就冇Lidar或雷達，只靠AI視覺鏡頭睇路之下，仍可確保撞車前一刻預先做好索緊安全帶等撞擊準備。請問的士同網約車司機又要唔要做定轉行準備呢？

#的士

06/09/2026

｜法拉利Luce香港現真身｜

話說今朝瞓唔着，決定去石澳走一轉，入到大浪灣冇耐竟然見到驚喜：法拉利嘅話題之作Luce。

實物成個造型同埋比例都比睇相低矮一啲，所以順眼咗同埋有霸氣啲，線條簡單得嚟幾有力量，滑溜得來又有返啲運動肌肉感。頭23尾24吋胎鈴擺落呢一身造型又唔覺得大得誇張，反而顯得逼力碟有啲細㖭。

代理之後打開咗車窗，車廂果然散發住蘋果風格（話晒都出自Sir Jony Ive手筆），成個感覺一啲都唔法拉利。雖然冇得摸，不過齋睇都覺得啲掣、皮革好有質感，第一感覺比車身更加吸睛。

部車一到現場就引嚟唔少車迷圍觀，就算落住毛毛雨都聚咗唔少人。今個星期五Luce就會喺香港正式發佈，唔知隔多幾耐先能夠喺路面見到出咗牌嘅佢呢？

#法拉利電動車

03/09/2026

｜睇得通後面嘅Polestar 4｜

Coupe造型嘅Polestar 4以冇尾窗見稱，車廠最近就推出一款有返尾窗兼傳統睹後鏡嘅姊妹車——Polestar 4 SUV。SUV版Polestar 4車廂行李空間最高達1,680公升，頭部空間比coupe多2.5cm。其他法寶仲有用於控制車廂氣氛燈、冷氣等設備同V2L功能嘅全新露營模式，車機語音功能就有更人性化嘅Google Gemini AI幫手。有賴全車大量使用低碳同回收物料，Polestar 4 SUV已經榮升陣中碳足跡最低車款之一喇。

機件方面，Polestar 4 SUV沿用coupe版底盤同400V電氣結構，有四驅版（544匹/400kW馬力，0-100 3.9秒）同後驅版（272匹/200kW馬力，0-100 7.3秒）揀，可以追加包含22吋鈴、Brembo煞車、ZF主動式避震等配件嘅Performance Pack，四驅同後驅版WLTP續航力分別為600公里同630公里。

Polestar 4 SUV將於韓國釜山生產，四驅同後驅版售價分別為60,750（約55萬港幣）同54,750歐元（約50萬港幣）起，選配Performance Pack就由68,250歐元（約62萬港幣）起，預計2026年第四季交車。

02/09/2026

｜第五代Pajero終現身 泰國製造豪華旗艦越野車｜【留言區有更多圖】

新一代Pajero同上代相隔五年終於回歸，從外到內睇都唔難發現佢係一部豪華旗艦越野車，睇嚟想延續1982年第一代Pajero又可以越野，又可以舒適日用嘅定位。

第五代Pajero採用Triton嘅梯形大樑車架底盤，配備三菱知名嘅SS4-II(Super Select 4WD-II)四驅系統同S-AWC(Super-All Wheel Control)動態控制，因應唔同路況控制四輪嘅驅動同制動力，再加三把差速鎖同長行程懸掛，越野能力更強。動力方面用2.4L雙turbo柴油引擎配新開發嘅8速自動波箱，輸出204PS(150kW)/480Nm，傳聞嘅混合動力版本暫未推出。

外型同車廂設計貼近近年豪華電動SUV風格，設備上有14.3吋雙屏幕，儀錶板仲重現經典嘅「三連錶」介面，另外仲有三區恆溫、前排加熱通風座椅、隔音玻璃、12喇叭Yamaha音響同MI-PILOT駕駛安全輔助系統。空間佈局依舊係三排七座，第二排可滑動150mm。4,920mm車長比舊款長咗20mm，軸距2,870mm比直接對手豐田Land Cruiser 250嘅軸距多20mm。

新Pajero將會喺泰國生產同率先開售，日本及澳洲會喺2027年3月前有得賣，之後就推至全球逾100個市場，個別地區以Montero命名，售價喺新聞稿未有提及。三菱亦計劃為新Pajero追加K-Car及小型SUV版本。唔知遲下會唔會有一部Ralliart版本重返Dakar Rally比賽呢？

#三菱

02/09/2026

【特別推介】BMW又一城車展 | 全新BMW iX3登場 指定型號優惠高達$100,000¹💰

立即登記了解限定禮遇及索取價目表：https://bit.ly/4x0d7ny

BMW迷請留意！今個週末9月5至6號嘅BMW又一城車展終於可以見到BMW iX3！今次現身直頭係萬眾期待，不單用咗最新嘅Neue Klasse設計語言，更加令外國車媒罕有出動「量子式躍進」、「近乎冇盲點」同「大幅拋離同級對手」等字眼去形容，大讚佢完全推翻電動SUV又重又過彎唔順又悶嘅定律，同時出奇地保留SUV應有嘅舒適感及豪華味，當然佢嘅配備、充電速度同科技味都係業界超強。車價$749,900起，2026年限量交付配額現已接受預訂，車展期間出車更可享登場購車禮遇¹。🎁

除此之外，現場仲有多款SUV展出，包括純電iX1 L長軸距版，以及運動型嘅X1同X3，同埋豪華7座X5，另外仲有全新M340 Touring旅行車同430i Coupé雙門跑車添。

🎉指定型號可尊享更多車展限定禮遇¹：
✦ 車價優惠高達$100,000
✦ 全新低利率財務方案1.98%起²
✦ 訂金回贈高達$8,000

BMW又一城車展詳情
📅日期：9月5-6日(星期六及日)
🕚時間：11:00-20:30
📍地點：九龍塘又一城LG2層
🅿️即場憑車匙登記仲可獲1小時免費商場泊車券³



¹受條款及細則約束，只適用於9月5及6日車展期間。
²受條款及細則約束。放債人牌照號碼：299/2026。查詢/投訴熱線：+852 2598 1009。忠告：借錢梗要還，咪俾錢中介。
³每日數量有限，先到先得，送完即止。

01/09/2026

【特別推介】錶迷九月重點活動——A. Lange & Söhne朗格「Challenging Chronographs 登峰造『計』」展覽

朗格自1990年重建錶廠至今研發出多達77款自家機芯、堅持每枚機芯均經過兩次組裝並精心修飾，以獨特工藝成為德國腕錶中最具代表性的品牌之一。

在不同複雜功能腕錶中，計時錶往往為車迷的至愛。腕錶與汽車同樣貴乎現場欣賞，朗格於九月舉辦的「Challenging Chronographs 登峰造『計』」展覽，讓錶迷一次過近距離接觸到多款計時碼錶及深入了解品牌在製錶技術上的突破，感受德國機械的魅力。

日期：2026年9月17日至21日
地點：香港中環皇后大道中 80 號 H Queen’s 11 樓
敬請預約： https://tinyurl.com/2jbf7jac

#朗格 #錶展 #德國錶

【特別推介】錶迷九月重點活動——A. Lange & Söhne朗格「Challenging Chronographs 登峰造『計』」展覽

朗格自1990年重建錶廠至今研發出多達77款自家機芯、堅持每枚機芯均經過兩次組裝並精心修飾，以獨特工藝成為德國腕錶中最具代表性的品牌之一。

在不同複雜功能腕錶中，計時錶往往為車迷的至愛。腕錶與汽車同樣貴乎現場欣賞，朗格於九月舉辦的「Challenging Chronographs 登峰造『計』」展覽，讓錶迷一次過近距離接觸到多款計時碼錶及深入了解品牌在製錶技術上的突破，感受德國機械的魅力。

日期：2026年9月17日至21日
地點：香港中環皇后大道中 80 號 H Queen’s 11 樓
敬請預約： https://tinyurl.com/2jbf7jac


#朗格 #錶展 #德國錶