07/04/2026
ازاي تغسل جنزير موتوسيكلك ؟
لو موتوسيكلك بجنزير عادي ( حديد في حديد ) اغسل ببنزين
مش هيكون في ضرر وياريت تستخدم فرشاة الجنزير في التنضيف
البنزين بينزل كل الشحوم بسهولة ومش مضر علي الجنازير العادية
ويفضل تفك وش الترس الامامي وتغسل الترس و المنطقة دي عموما
لو جنزير موتوسيكلك اورينجات (o-ring)
بلاش البنزين لانة بيأثر علي الجلد ودة يعتبر اهم حاجة ولو باظ يبقي الجنزير كلة باظ
طب اغسل بأية ؟
قدامك ٣ طرق او حلول
١ - اغسل بمياة وصابون مش مضرة ومش هتعمل اي مشاكل
بس مش هتكون احسن حاجة في التنضيف
٢ - اغسل بمنظف جنزير(امان وملوش اضرار )
بس غالي شوية و مكلف
٣ - اغسل بكيروسين ( جاز ابيض )
اكتر حاجة بفضلها عن تجربة في معرضنا
بينضف كويس و موفر مش مكلف زي منظف الجنزير
و بعد ما تنضف الجنزير لو الجنزير عادي استخدم زيت لزوجة 80w90 في التزييت وموجود في محلات كتير واسمة زيت تروس
لو جنزير اوريجنات مفيش افضل من الاسبراي لتشحيم الجنزير
