15/08/2026
قواعد نزول التوفيقيه للمستجدين :
1- حدد انت رايح تعمل ايه و تجيب ايه عشان ما تسرحش هناك
2- أركن عربيتك برة التوفيقية ما تدخلش بيها
3- و انت بتركن ها يطلعلك عيل ملوش لازمه عايز 10 جنيه فردة اديله 5 جنيه بس لو كتر اديله بالجزمة
4- و انت رايح التوفيقية حاول تروح بهدوم مهبدلة شوية و لو عندك طقم بتاع مرمطة البسه او عفريته 😂
5- اوعى تلبس ساعة غاليه و انت رايح
6- 4 و 5 بسبب انهم ها يعتبروك زبون و يشتغلوك
7- لو عربيتك حاجتها بتركب على اكتر من عربية اطلب الحاجة على ارخص عربية فيهم
8- لو عربيتك فيه منها سيدان و كوبيه اطلب حاجة السيدان عشان نفس الحاجة لو قولت كوبيه أغلى
9- الي يقولك احنا اقل سعر في التوفيقيه هو اغلاهم
10- الي يقولك القطعة ديه مش موجودة عند غيري هاتلاقيها عند أصغر محل هناك و بسعر احسن
11- الرفايع اشتريها من البياعين الي فارشه في الشارع و فاصل معاهم لحد ما يقرب يغير ملته 😂 و هتاخدها
12- رفايع الرفايع الحاجة المفقود الأمل في ايجادها هتلاقيها عند الي فارشين على الأرض بحاجات تحسها خردة هتلاقيها في وسطهم و اوعى تحسس الي بايعها انك ملهوف عليها 👌
13- و انت بتشتري الرفايع الي في رقم 12 لا تبين لهفتك عليها و لو حاسس انه ها يرفع عليك سعرها خد حاجة تانيه تافهة و خد ديه معاها و حسسه انك بتاخد حاجات ملهاش لازمه و هتاخدها بسعر رمزي
14- ما تشتريش حاجة بتنور او بفيشة من حد فارش في الشارع
15- الحاجة الي تشتريها قبل منها تاخد فاتورة و كارت المحل عشان لو حبيت ترجعله
16- الي واقفين يعصره برتقان ما تشربش منهم برتقانهم مش حلو 😏
17- الفلاتر ليها مستورد و التيول ليها مستورد و السيور نفس الموضوع دور على مستوردينها و هات منهم سعرهم احسن
18- لو عربيتك امريكي او اي حاجة مش دارجة ما تجيبهاش من محل شكله شيك و جامد من برة عشان هتتنفخ دور على دكاكين فرق السعر بينهم كبير
19- باقي فلوسك عده قبل ما تمشي و تعد صوابع ايدك كمان بعدها
20- هتعمل هناك فهمان هترجع تعبان
لو في قاعدة عندك بردو ضفها في الكومنتات و كلة يستفاد و متنساش تعمل شير و تمشن صحبك بتاع العربيات اللي بينزل معاك 🔥👌🏻
