09/10/2023
نصائح للسفر بالدراجة النارية ✅
🔵 اتأكد دايما أن الموتوسيكل أو الاسكوتر اللى هتسافر بيه معموله صيانة بشكل مظبوط زى الزيت و البوجيه و الكاوتش و غيره طبعا من الصيانات الدورية تكون فى ميعادها ، تجنبا للأعطال على الطريق.
🟣 حاول تاخد دايما عدة معاك و قطع غيار زيادة زى الجنزير و بوچيه و الحاجات اللى ممكن تعطل معاك على الطريق عشان لو حصل معاك حاجة تغيرها عشان اليوم يكون ماشى بشكل مظبوط.
🟢 لازم تكون نايم كويس عشان تكون فايق و تكون مركز دايما فى طريقك تجنبا للمواقف الخطر و الحوادث ، و طبعا عشان تسمتع بطريقك.
🟡 لازم تكون عامل حسابك فى بلوڤر زياده او جاكت حتى لو هتسافر فى عز الصيف أو الحر ، ده لأن الجو بليل فى الطرق السريعة و الطرق الصحراوية بتكون برد بليل.
