15/10/2025
كل يوم حد يسألنى على طقم البجوهات انا لسة شارى طقم والعربية بتقطع وكنت لسة مغير طقم تانى من شهر وعمل نفس الكلام اعمل ايه اشترى طقم تالت ولا اعمل ايه. أسمع بقا الكلام المفيد عشان تستفيد وتفيد. لما تخلع طقم البجوهات ولقيت علية زيت ذى اللى فى أول صورة رقم 1. اعرف انك لو كل يوم غيرت بوجهات مش هتعمل اسبوع والعربية هتقطع تانى وتغيب فى الدوارة. لان كدة الشنبر منفس وبيجيب زيت على البجوهات يبقى توفر فلوسك وتعمل طقم شنبر. طاب لو..لقيت البجوهات طالعة مهببة وعليها سواد وهباب اسود. يبقى ياصاحبى العربية بتاكل بنزين زيادة. على طول هتقول رشاش البنزين اللى فى الصورة رقم 5 بايظ هقلك لا يا فالح العيب دة لة كذا حاجة أولها حساس الكولنت اللى فى الصورة رقم 4 لأن هو المسؤل عن إعطاء الكنترول السيارة أمر بفتح بوابة البنزين والرشاش دا مجرد أن يوصلة كمية البنزين يرشها فى البوابة سواء كانت كتيرة أو شوية. هتقلى اية الحاجة الثانية هقلك راجع بلف طلمبة البنزين اللى بنقول علية بلف الراجع ودا فى الصورة رقم 6 و فية منة على مسطرة الرشاشات ومنة على غطاء طلمبة البنزين اللى فى التنك ودا لو بايظ مش هريجع البنزين للتنك تانى وهينزل البنزين كلة فى البوابة وهيهبب البجوهات ويعمل استهلاك بنزين بردو وفية عربيات لمهاش بلف وليها خرطوم راجع بيرجع البنزين على التنك بس بردو على الخرطوم فى التنك البنزين بيرجع ولا لا. هتقلى طاب اعمل ايه اقلك لو لقيت البجوهات حرقها نظيف ذى الصورة رقم 3 هات طقم بجهوهات وركب على طول لو لقيت عليها زيت ذى الصورة رقم 1 يبقى شنبر لو لقيت هباب اسود ذى الصورة رقم 2 يبقى متغيرش غير لما تظبط استهلاك البنزين 0 طاب اغير بجوهات واحد شمعة ولا اثنين الافضل اثنين شمعة ويكون نوع محترم ذى بوش وال ngk والاصلى gm. ونشوف الآراء يمكن اكون ناسى حاجة
