27/12/2022
🛑اولا لو بتحب الاوتوماتيك فالبوست دا معمول عشانكك🤔
قبل متبدا تسوق السيارة الاوتوماتيك لازم تكون عارف معني الحروف المتواجدة علي الجير 🤷🤗
ودا عشان تكون بتسوق وبتنقل الجير وانت فاهم مش بس حافظ زي اغلب الناس اللي بتسوق🙃💔
ف تعالي بقا نتعرف ف البوست دا علي حرف حرف في الجير الاوتوماتيك ؟؟
اولا نبدأ بحرف الP واللي هو اختار لكلمة Park ودا بيستخدم للوقوف الكلي واللي بتتشابك فيه تروس المحرك مع بعض ... ولا يستخدم بدون فرامل اليد🚗🤗
نخش بقا علي الحرف اللي بعده واللي هو حرف ال R ودا اختصار لكلمة Reverse ويستخدم لتغير مسار المحرك الرجوع للخلف❤️🚗
اما بقا حرف ال N وهو اختصار لكلمة Neutral وهو بمعني الترس المحايد واللي بتصبح فيه العربيه غير معشقه تماماً 🚙🚙
والحرف اللي بعده هو حرف الD وهو اختصار لكلمة Drive وهنا بتبقي السيارة معشقه او واخده غيار زي العربية المانيوال بالظبط ولكن بقا هنا بيتم التنقل بين غيار وغيار بشكل اوتوماتيك🤗❤️
ودول كانوا ال اربع حروف الثابتين في اي سيارة اوتوماتيك أما بقا الحروف اللي احيانا نلاقيها واحيانا لا هنتكلم عليهم دلوقتي 🤔❤️
اول حرف وهو ال D1 و في بعض العربيات بيبقا رقم 1 علي طول وهنا معني الحرف او الرقم ان العربية متعشقه لحد الغيار الاول بس يعني مش هتنقل لغيار اعلي من كده خالص ودا أحياناً بيستخدم في المطالع الصعبه🚗🚗
الحرف اللي بعده هو ال D2 او رقم 2 وهنا معني الحرف او الرقم ان العربية متعشقه لحد الغيار الثاني بسسس يعني مش هتنقل لغيار اعلي من كده.....
بس وبكده نبقي فهمنا كل حرف اختصار ل كلمة اي وآلية العمل بتاعته اي .. وكده تركب العربية وانت فاهم كل حاجه فيها ❤️❤️
