Omar-Usman Automobile

04/09/2026

پر سرك واك ستا دى، خو خونديتوب دي په بريك پوري تړلې!
د Easy Brake باکیفیته ډرمونه، قوي او نرم بریک، او خوندي سفر

پر وخت ودريږه، او په ډاډ سفر وکړه.

دفرمايش لپاره: 0093730552575

02/09/2026

ایزي بریک — قوي بریک، خوندي سفر، باوري انتخاب.

د لاندې موټرو لپاره د لوړ کیفیت لیدر موجود دي:

1. ټویوټا فور رنر
2. ټویوټا هایلکس
3. ټویوټا لېکسس
4. ټویوټا لینډ کروزر
5. ټویوټا فیلډر جرمني
6. ټویوټا فیلډر جاپاني
7. ټویوټا کرولا ۲۰۱۸ تر ۲۰۲۳

ایزي بریک لیدر د قوي بریک، کم شور، اوږد عمر او باوري کارکردګۍ لپاره مناسب دي.

✅ لوړ کیفیت
✅ قوي بریک او ښه کنټرول
✅ کم شور او کم دوړه
✅ د ورځني استعمال لپاره مناسب
✅ عمده او پرچون خرڅلاو

ایزي بریک – ستاسو د موټر د خوندیتوب لپاره باوري انتخاب.

مبایل او وټسپ شمیره:- 0093730552575

25/08/2026

25/08/2026

ایزي بریک لیدر، نوې ډیزاین نوې قطۍ، بهترین او په ضمانت کیفیت.

10/07/2026

غلط مبلاین، لکونه افغانۍ تاوان! سم مبلین څنګه وپېژنو؟؟

5W-30
10W-40
نن دا راز داسې زده کړه چې بیا یې هېر
نه کړې!

ګرانو ملګرو، هره ورځ زرګونه خلک مبلاین اخلي، خو ډېر یې نه پوهیږي چې په بوتل لیکل شوې دا شمېرې موږ ته څه وایې.
نن یې په دومره ساده ژبه درته وایو چې بیا به د مبلاینو اخستلو کې شک درسره نه وي.!!

🤫 ددې شمېرو راز — یو ځل زده کړه، د عمر لپاره:

راځئ 10W-40 په مثال واخلو. او دا دوه برخې لري:

دا د یخنې کیسه کوي = “10W”
او دا “W “ د ( Winter ) یعنې ژمی
څومره چې دا شمېره کمه وي، مبلاین هومره نری وي او د قوي ژمي یخ سهار په ستارټ کې ژر خوځېږي او په حرکت راځي.
همدا لومړۍ شېبې دي چې انجن تر ټولو زیات خطر کې وي — نری مبلاین یې ژر ساتي.

“40” = د ګرمۍ کیسه
څومره چې دا شمېره لوړه وي، مبلاین د تود انجن دننه هومره کلک پاتې کیږي او پرزې یې ساتي.

ساده مثال یاد ولره: غوړي 🍯 په یخ کې کلکیږي او په ګرمۍ کې اوبه کیږي. مبلاین هم همداسې دي.
دا شمېرې همدا کیسه کوي: په یخ کې څومره نري، په ګرمۍ کې څومره کلک.

🚗 اوس نو ستا موټر لپاره کوم یو دی؟

نوی موټر لرې؟ 👈 5W-30
کرولا، فیلډر، ویتز، کمري، — د جاپان څخه راغلي موټرې. د دې د انجنونو پرزې دننه نازکې او سره ډېرې نږدې دي، نو نری مبلاین کولې شي چې د موټر د ستارټ سره سم هرې پرزې ته ورسیږي.
او یوه بله ګټه؟ د تېلو مصرف هم کمېږي.

زوړ موټر لرې؟ 👈 10W-40
که موټر دې ډېر کیلومتر وهلی وي، تېل خوري، یا انجن شور کوي، کلک مبلاین د زاړه انجن پراخه شوي سوري ډکوي، د تېلو سوځېدل کموي، او انجن غلی ساتي.
یو تجربه لرونکي موټروان په لوړ کیلومتر کې 10W-40 مبلاین انتخابوپ.

او بیا زموږ د وطن حساب:

❄️ کابل او شمال: ژمی سخت دی، لومړۍ شمېره درته مهمه ده. 5W د سخت ژمي په یخو سهارونو کې ځان ثابتوي.

☀️ کندهار، هلمند، جلال‌آباد: دوبی سوزوونکی دی دویمه شمېره درته مهمه ده. 10W-40
انجن د سختې ګرمۍ لاندې ساتي.

دوړې لارې + زوړ انجن: زموږ ډېر ځایي موټرې په 10W-40 ښه چلیږي.

⚠️ خبرداری: نقلي مبلین انجن وژني !

ورونو، جعلي مبلاین زموږ د بازار تر ټولو لوی خطر دی.
د Toyota او Castrol نقلي بوتلونه هر ځای پیدا کیږي. اخیستلو دمخه درې شیان وګوره:

✔️ باوري دوکان — تل له پېژندل شوي ځایه واخله
✔️ سیل او هولوګرام — د بوتل سر او لیبل ښه وڅېړه
✔️ بیه — ډېره ارزانه ده؟ نو تقریباً حتماً نقلي ده!

خراب مبلین انجن د هر بل شي نه ژر وژني، او د انجن ترمیم د مبلاینو له بیې زرګونه ځله قیمته دی.

💡 وروستۍ او تر ټولو مهمه خبره:

درجه مهمه ده، خو وخت ترې هم مهم دی!
حتی که د سرو مبلین هم که ډېر وخت پاتې شي، خټې جوړوي.
مبلین په خپل ټاکلي وخت بدل کړه، او که په دوړو لارو ګرځې، لا ژر یې بدل کړه.

لنډه پایله — دا په ذهن کې وساته:
نوې موټر او یخه سیمه = 5W-30
🚗 زوړ موټر + ګرمه سیمه = 10W-40

OMAR-USMAN AUTO PARTS — باوري پرزې، باوري مشوره 🤝

#موټر #کابل #کندهار

08/07/2026

ټربو او سوپرچارجر څه فرق لري؟

د دواړو کار دا دی چې انجن ته ډېره هوا ورکړي، ترڅو موټر ډېر زور پیدا کړي. لکه اور ته چې پوکی ورکړئ، اور لا غټ او قوي کېږي. انجن هم چې ډېره هوا واخلي، زور یې زیاتېږي.

خو ټربو او سوپرچارجر دا کار په بېلابېلو طریقو ترسره کوي.

ټربو یا ټربوچارجر:
ټربو د انجن له سلنسرلوګي/اگزوز ګاز څخه کار اخلي. هماغه ګاز چې عادي وخت کې له پایپ څخه بهر وځي، ټربو تاووي او انجن ته نوره هوا ورکوي.

زموږ په افغانستان کې ټربو ډېر عام ده، په ځانګړي ډول په ډیزلي موټرو کې، لکه سرف، پراډو، لینډ کروزر، کوسټر، بسونه او ډېر مختلف باروړونکې ټرکونه.
په افغانستان کې ډیزل او ټربو ډېر عام ترکیب دی.

سوپرچارجر:
سوپرچارجر د انجن له بېلټ سره چلېږي. زور یې ژر راځي او ځنډ نه لري، خو د انجن له خپل زور څخه کار اخلي او تېل هم زیات مصرفوي.

زموږ په بازار کې سوپرچارجر ډېر کم دی. اکثره په امریکایي قوي موټرو یا د لینډ کروزر په ځینو خاصو ماډلونو کې لیدل کېږي. او یا هم لکسیسو ۵۷۰ او نور ماډلونو کې هم راځي، زموږ ډېری مستریان له ټربو سره بلد دي، له سوپرچارجر سره ډیر نه دي بلد.

ولې ټربو په افغانستان کې ډېر ګټور دی؟
د افغانستان د ولایاتو لارې غرنیزه او کوتلونه دي. په غرونو کې هوا کمه او نرۍ وي، نو عادي انجنونه هلته خپل زور له لاسه ورکوي.

خو ټربو همدا نرۍ هوا راټولوي او په زور یې انجن ته ورکوي. له همدې امله ټربو ډیزل موټرونه په غرنیو لارو کې ښه زور کوي.

د ټربو د ساتنې اسانه مشورې:

• د انجن مبلاین پر وخت بدل کړئ — ټربو ډېر په چټکۍ تاوېږي او د ژوند لپاره پاکو مبلاینو ته اړتیا لري.

• له اوږده سفر وروسته موټر سمدستي مه بندوئ — ۱ تر ۲ دقیقو پورې انجن چالان پرېږدئ، بیا یې بند کړئ. که ګرم ټربو سمدستي بند شي، دننه مبلاین تیل سوځي او ټربو خرابوي.

• شین لوګی یا د ټربو بدل شوی غږ مه نالیدلی کوئ — که له اگزوز څخه شین لوګی راځي، یا ټربو نوی نا اشنا غږ کوي، دا د خرابۍ نښه کېدای شي.

• له دوړو ځان وساتئ — خراب، شکېدلی یا جعلي د هوا فلټر دوړې مستقیم ټربو ته رسوي او د ټربو پکې خرابوي.

د ټربو د خرابېدو نښې:
په غرو یا جیګو ساحو ختلو کې زور کمېدل، شین یا خړ لوګی، لوړ خراب غږ، یا د انجن مبلاین کمېدل بې له دې چې ښکاره لیک وي.

اصلي خبره:
که ټربو ته ښه پام وشي، ډېر کلونه او سلګونه زره کیلومتره کار کوي. خو که بې پروايي ورسره وشي، ژر خرابېږي. اصلي ټربو په بازار کې ډېر ګران وي. ✅

06/07/2026

سپارک پلګ: کوچنۍ پرزه، خو لوی کار کوي!!

سپارک پلګ د موټر د انجن لپاره ډېر مهم دی. دا د تېلو او هوا مخلوط ته اور ورکوي او انجن چالان ساتي.
د افغانستان دوړې لارې او د تېلو مختلف کیفیت سپارک پلګ ډېر ژر له کاره غورځوي.

په بازار کې عموماً درې ډولونه سپارک پلګ موندل کېږي:
کاپر، پلاټینم او اېریډیم.
۱- کاپر ارزانه دی، خو ژر خرابېږي.
۲- پلاټینم تر کاپر ښه عمر لري.
۳- اېریډیم تر ټولو غوره انتخاب دی او اکثره ټویوټا موټرونه لکه کرولا، فیلډر او کمري له فابریکې څخه د NGK یا Denso اېریډیم پلګونو سره راځي.

د جعلي پلګونو څخه ځان وساتئ. په بازار کې د NGK، Denso او Bosch جعلي پلګونه ډېر دي.
د بکس چاپ، هولوګرام او د پلګ جوړښت ښه وګورئ. جعلي پلګ اګنېشن کویل ته تاوان رسولای شي، چې قیمت یې له پلګ څخه ډېر لوړ وي.

که مو موټر سهار سخت چالانېږي، انجن ناارامه کار کوي، په غره کې زور نه لري، یا تېل زیات مصرفوي، نو سپارک پلګونه باید وکتل شي. د خراب پلګ نښه اکثره تور او دوړن سر وي.

لنډه خبره: سپارک پلګ ارزانه پرزه ده، خو د انجن په روغتیا کې لوی رول لري. پر وخت یې بدلول د تېلو مصرف کموي او موټر ښه روان ساتي.

04/07/2026

د ABS سیسټم ولې مهم دی؟

کله چې ناڅاپه سخت بریک ووهئ، د ABS (Anti-lock Braking System) سیسټم په ډېر چټک ډول د هر ټایر د بریک فشار تنظیموي، ترڅو ټایرونه قلف نه شي او له سړک سره خپله نیونه (Grip) وساتي.

له همدې امله د بریک پیډل لړزېدل یوه طبیعي نښه ده او ښيي چې ABS خپل کار په سمه توګه ترسره کوي.

د ABS اصلي دنده یوازې د درېدو واټن کمول نه دي، بلکې د سخت بریک پر مهال هم د موټر د کنټرول ساتل دي، ترڅو چلوونکی وکولای شي له خطر څخه ځان وژغوري.

💡 کله چې ABS فعال شو، بریک پیډل مه پمپ کوئ؛ یوازې یې په ټینګه ونیسئ، ځکه د بریک سیسټم دا کار ستاسو په پرتله په څو چنده لوړ سرعت او دقت ترسره کوي.

⚠️ که په ډشبورډ کې د ABS څراغ بل وي، عادي بریکونه به لا هم کار کوي، خو د ABS خوندیتوب سیستم به غیرفعاله وي. د دقیقې ستونزې د معلومولو لپاره موټر د سکینر له لارې معاینه کړئ.

24/06/2026

ایزي بریک لیدر خپل موټر ته واخلئ، ځکه خوندي سفر له قوي بریک څخه پیلېږي.